శ్రీ మంజునాథ సినిమాస్ పతాకం పై పులివెందుల మహేష్, ప్రియ పాల్ జంటగా శివరాం తేజ దర్శకత్వంలో జి. మంజునాధ్ రెడ్డి నిర్మించిన యాక్షన్ ఎంటర్ టైనర్ “మా ఊరి సిన్మా”. ప్రస్తుతం పోస్ట్ ప్రొడక్షన్ పనులు పూర్తి చేసుకున్న ఈ చిత్రం అక్టోబర్ 12 న ప్రేక్షకుల ముందుకు రానుంది.
ఈ సదర్భంగా చిత్ర నిర్మాత జి. మంజునాథ రెడ్డి మాట్లాడుతూ మా సిన్మా పాటలు ట్రెండింగ్ అవ్వడం, ఊహించని అప్రిషియేషన్ రావడం హ్యాపీ గా వుంది., అలాగే మా ఊరి సిన్మా బాగుందని , సిన్మా చూసిన పెద్దలు అభినందిస్తూ వుంటే సంతోషంగా వుంది. ఇది సమిష్టి కృషి పలితం. మేము చేసిన ఈ ప్రయత్నం ప్రేక్షకులు కూడా మెచ్చు కుంటారని ఆశిస్తున్నాను. ఇంత మంచి సినిమాను నిర్మించడానికి సహకరించిన ప్రతి ఒక్కరికీ నా ధన్యవాదాలు తెలుపుకంటున్నాను. అక్టోబర్ 12 న రాబోతున్న మా సినిమాను చూసి ఆశీర్వదిస్తారని ఆశిస్తున్నాను అని అన్నారు.
చిత్ర దర్శకులు శివరాం తేజ మాట్లాడుతూ ” ఇదొక ఊరిలో జరిగే ఇన్స్పైరబుల్ సబ్జెక్ట్. మా సినిమా కోసం మా టీమ్ చాలా కష్ట పడ్డారు. వాళ్ళు పడ్డ కష్టం ఈ రోజు స్క్రీన్ మీద కనిపిస్తుంది. అలాగే నన్ను నమ్మి ఈ సినిమా నిర్మించిన మంజునాథ రెడ్డి గారికి ప్రత్యేక కృతజ్ఞతలు తెలుపుకుంటున్నాను” అన్నారు. .