ఓ వైపు సంక్షేమ పథకాల పేరుతో ఓటు బ్యాంకు రాజకీయాలు.. ఇంకోపక్క, ఖాళీ అవుతోన్న ఖజానాని నింపేందుకు ‘బాదుడు’ వ్యవహారాలు.. వెరసి, వైఎస్ జగన్ సర్కార్ తీసుకుంటున్న నిర్ణయాలు ఎప్పటికప్పుడు విమర్శలకు కేరాఫ్ అడ్రస్గా మారుతున్నాయి.
రాష్ట్ర వ్యాప్తంగా భూముల రిజిస్ట్రేషన్ ధరల్ని పెంచుతూ వైఎస్ జగన్ సర్కార్ నిర్ణయం తీసుకున్న విషయం విదితమే. అసలు రాష్ట్రంలో భూముల ధరలు పెరిగితే కదా.. రిజిస్ట్రేషన్ ధరల్ని పెంచడానికి.? అన్న చర్చ సాధారణ ప్రజానీకంలో జరుగుతోంది. 2019 ఎన్నికల తర్వాత రాష్ట్రంలో భూముల ధరల్లో ఏమాత్రం పెరుగుదల కన్పించలేదు సరికదా.. గడచిన కొంత కాలంగా ధరలు తగ్గుతున్న పరిస్థితి కూడా కన్పిస్తోంది.
సాధారణంగా భూముల ధరలు పెరుగుతున్నప్పుడు రిజిస్ట్రేషన్ ధరల్ని కూడా పెంచుతుంటారు. కానీ, ఇక్కడ పరిస్థితి వేరు. ఖజానా నింపుకోవడానికి సులువైన మార్గంగా ప్రభుత్వం రిజిస్ట్రేషన్ ధరల పెంపును చూస్తోందన్న విమర్శలు విన్పిస్తున్నాయి.
అసలే భూముల అమ్మకాలు జరగక ఇటు రియల్ ఎస్టేట్ వ్యాపారులు.. అటు సాధారణ ప్రజానీకం లబోదిబోమంటోన్న వేళ రిజిస్ట్రేషన్ ధరలు మరింతగా పెరిగితే, ఈ రంగంలో ముందు ముందు మరింత స్తబ్దత నెలకొంటుందనే అభిప్రాయం సర్వత్రా వ్యక్తమవుతోంది. రియల్ ఎస్టేట్ రంగంలో ఊపు రావాలంటే, ఇసుక లభ్యత పెరగాలి. సిమెంట్ ధరలూ అందుబాటులో వుండాలి. ఈ అనుకూలతలు రాష్ట్రంలో గత కొంతకాలంగా కన్పించడంలేదు.
పైగా, రాష్ట్రంలో నడుస్తున్న రాజకీయాలు.. రాష్ట్రంలో పెట్టుబడులు వచ్చేందుకు సైతం ఏమాత్రం అనుకూలంగా లేకుండా పోయాయి. ‘ఏడాది కాలంగా భూముల ధరలు పెరగడంలేదు సరికదా, తగ్గిపోతున్నాయ్.. ధరలు తగ్గినా కొనుగోళ్ళు జరగడంలేదు. ఇప్పుడు రిజిస్ట్రేషన్ ధరలు పెరిగితే, అది మరింత చేటు చేస్తుంది..’ అంటూ రియల్ రంగానికి చెందిన వ్యాపారులు, వివిధ అవసరాల రీత్యా భూముల్ని అమ్ముకోవాలనుకుంటున్నవారు వాపోతున్నారు.
ప్రధానంగా అమరావతి ప్రాంతంలో అమ్మకాలు, కొనుగోళ్ళు నిలిచిపోవడంతో అక్కడ అత్యంత ఇబ్బందికరమైన పరిస్థితులు నెలకొన్నాయి. రిజిస్ట్రేషన్ ధరల పెంపుతో, ఇప్పటికే పడిపోయిన ప్రభుత్వ ఆదాయం మరింతగా పడిపోయే ప్రమాదం వుందని కూడా రియల్ రంగ నిపుణులు అభిప్రాయపడుతున్నారు.
ఏదిఏమైనా, ఇటు సంక్షేమ పథకాల పేరుతో పబ్లిసిటీ స్టంట్లు చేస్తూనే, ఇంకోపక్క జనం జేబులు గుల్ల చేసేలా ప్రభుత్వం ‘ధరల పెంపుదల’ అన్ని విభాగాల్లోనూ చేపడుతుండడం గమనార్హం. పొరుగు రాష్ట్రాలతో పోల్చితే పెట్రో ధరలు, మద్యం ధరలు ఆంధ్రప్రదేశ్లో ఇప్పటికే ఎక్కువగా వున్న విషయం విదితమే.
635324 292322I actually enjoyed your amazing web site. Be positive to keep it up. May possibly god bless you !!!! 218908
408237 692135Extremely very good written write-up. It will probably be useful to anybody who usess it, including myself. Maintain up the excellent work – canr wait to read much more posts. 928853