రాష్ట్రంలో ప్రజలెదుర్కొంటున్న సమస్యలేంటి.? వాటి పరిష్కారం మాటేమిటి.? కరోనా వైరస్ నేపథ్యంలో తీసుకోవాల్సిన జాగ్రత్తలేంటి.? కరోనాతో భయాందోళనలకు గురవుతున్న ప్రజలకు ప్రభుత్వం తరఫున ఇవ్వాల్సిన భరోసా ఏంటి.? ఇవన్నీ పక్కన పెట్టేసి, ఎక్కడో హైద్రాబాద్లో వున్న టీడీపీ అధినేత చంద్రబాబు మీద బూతుల పంచాంగం అందుకున్నారు మంత్రి కొడాలి నాని.
రాష్ట్రంలో బూతుల మంత్రిగా ఇప్పటికే కొడాలి నాని పేరు పాపులర్ అయిపోయింది. ఆ మధ్య తిరుమల తిరుపతి దేవస్థానాన్నీ, చంద్రబాబునీ ఉద్దేశించి.. కొడాలి నాని చేసిన జుగుప్సాకరమైన వ్యాఖ్యలు వివాదాస్పదమైన విషయం విదితమే. సన్నబియ్యం విషయంలోనూ కొడాలి నాని అదే భాష వాడారు. ‘ఆయన తీరే అంత..’ అని సరిపెట్టుకోవడానికి ఆయనేమీ సాదా సీదా రాజకీయ నాయకుడు కాదు. రాష్ట్రానికి మంత్రి.
తాజాగా మీడియా ముందుకొచ్చిన కొడాలి నాని, ‘ఈ ప్రెస్ మీట్ చంద్రబాబుని విమర్శించడానికి కాదు..’ అంటూనే, ‘బొచ్చు పీకుడు.. సొల్లు వాగుడు’ అనే ఆణిముత్యాల్ని చంద్రబాబు మీద వదిలారు కొడాలి నాని. ఎల్లో మీడియా.. అంటూ ఆ రెండు మీడియా సంస్థల గురించీ కొడాలి నాని మరికొన్ని ఆణి ముత్యాలు పేల్చారు సరే, వైసీపీ అధికారిక మీడియా కూడా చేసేది అదే పని కదా.! అన్ని రాష్ట్రాల కంటే ముందుగా ఆంధ్రప్రదేశ్, రేషన్ని ప్రజలకు అందిస్తున్నందుకు అభినందించాల్సిందే.
కానీ, లాక్ డౌన్ నేపథ్యంలో సామాజిక దూరం పాటించాలన్న కనీస విజ్ఞత చాలా చోట్ల కొరవడింది. దానిపై మీడియాలో కథనాలొస్తున్నాయి. రేషన్ కోసం ఎండలో నిలబడి ఓ వృద్ధురాలు ప్రాణాలు కోల్పోయిందన్న వార్త కూడా బయటకొచ్చింది. రేషన్ కోసం జనం క్యూ లైన్లలో ఇబ్బందులు పడుతున్న మాట వాస్తవం. ‘అబ్బే, ఇబ్బందులేమీ లేవు..’ అని ప్రభుత్వం చెప్పదలచుకుంటే అంతకన్నా బాధ్యతారాహిత్యం ఇంకోటుండదు.
గ్రామ వాలంటీర్ల ద్వారా ఇంటింటికీ రేషన్ అందించేయగలిగితే.. ఈ సమస్య వచ్చేదే కాదు. అదే విపక్షాలు చెబుతున్నది. కానీ, ప్రభుత్వం తరఫున.. సంబంధిత మంత్రి ‘బూతుల పురాణం’ విపక్షాలపై అందుకోవడం ఎంతవరకు సబబు.?
602326 736121It was any exhilaration discovering your website yesterday. I arrived here nowadays hunting new points. I was not necessarily frustrated. Your tips soon after new approaches on this thing have been valuable plus an superb assistance to personally. We appreciate you leaving out time to write out these items and then for revealing your thoughts. 458846
229036 466757Deference to site author , some excellent entropy. 415248