Kiran Abbavaram : యంగ్ హీరో కిరణ్ అబ్బవరం వరుస సినిమాలతో బాక్సాఫీస్ వద్ద దండ యాత్ర కొనసాగిస్తూనే ఉన్నాడు. ఆయన నుంచి వచ్చిన సినిమాల్లో కొన్ని కమర్షియల్ గా నిరాశ పరిచినా కూడా ప్రతి సినిమా నటుడిగా కిరణ్ అబ్బవరంకి మంచి మార్కులు తెచ్చి పెట్టాయి.
ఈ యంగ్ హీరో త్వరలో పెళ్లి పీటలు ఎక్కబోతున్నాడు. తన మొదటి సినిమా హీరోయిన్ రహస్య ని వివాహం చేసుకోబోతున్నాడు. వీరిద్దరు గత అయిదు సంవత్సరాలుగా ప్రేమలో ఉన్నారు. వీరి ప్రేమ విషయంను ఇటీవలే అధికారికంగా బయటకు వెళ్లడించారు.
రాజావారు రాణిగారు సినిమా సమయంలోనే కిరణ్ అబ్బవరం మరియు రహస్యల పరిచయం అయ్యింది. ఆ పరిచయం ప్రేమగా మారింది. ఇద్దరూ సుదీర్ఘ కాలంగా ప్రేమలో ఉన్నారు. వీరి ప్రేమకు ఇరు కుటుంబాల వారు ఓకే చెప్పారు. త్వరలో వీరి వివాహ నిశ్చితార్థం జరుగబోతుంది. ఇదే ఏడాదిలో డెస్టినేషన్ వెడ్డింగ్ ను ప్లాన్ చేస్తున్నట్లుగా సమాచారం అందుతోంది.