సినిమా రివ్యూ: ఖైదీ

నటీనటులు: కార్తీ, నరైన్, తదితరులు..
నిర్మాత: కెకె రాధామోహన్
దర్శకత్వం: లోకేష్ కానగరాజ్
సినిమాటోగ్రఫీ: సత్యన్ సూర్యన్
మ్యూజిక్: సామ్ సిఎస్
ఎడిటర్‌: ఫిలోమిన్ రాజ్
విడుదల తేదీ: అక్టోబర్ 25
రేటింగ్: 3/5

తమిళంతో పాటు తెలుగులోనూ స్టార్ హీరో ఇమేజ్ ఉన్న కార్తీ నుంచి ప్రేక్షకుల ముందుకు వచ్చిన మరో డిఫరెంట్ ఫిల్మ్ ‘ఖైదీ’. ఫాదర్ – డాటర్ ఎమోషన్ ని కీలకంగా చేసుకొని కంప్లీట్ సస్పెన్స్ యాక్షన్ థ్రిల్లర్ గా రూపొందించిన ఈ సినిమాకి ‘నగరం’ సినిమాతో మెప్పించిన లోకేష్ కానగరాజ్ దర్శకుడు. దీపావళి కానుకగా నేను విడుదలైన ఈ ‘ఖైదీ’ అలనాటి చిరు ‘ఖైదీ’ రేంజ్ లో మెప్పించిందో లేదో చూద్దాం..

కథ:

పోలీస్ ఆఫీసర్ విజయ్(నరేన్ కుమార్), తన టీంతో కలిసి 900 కిలోల డ్రగ్స్ అనగా 840 కోట్ల విలువ చేసే డ్రగ్స్ పట్టుకుంటారు. ఆ డ్రగ్స్ ని పోలీస్ స్టేషన్ లో భద్ర పరుస్తారు. కానీ డ్రగ్స్ పట్టుకున్నారన్న కారణంతో ఆ పోలీసుల్ని స్టేషన్ లోనే చంపి ఆ డ్రగ్స్ తీసుకెళ్ళాలని మెయిన్ విలన్ ప్లాన్ చేసి, తన పోలీస్ అనుచరుడి చేత వారు తినే ఫుడ్ లో ఒక డ్రగ్ కలిపిస్తాడు. అది తిన్న 5 గంటల్లో అందరూ చనిపోతారు. ఈ విషయం విజయ్ కి తెలిసి ఎవరైనా వారిని హాస్పిటల్ వరకూ తీసుకెళ్తే బాగుండు అని ట్రై చేస్తున్న టైంలో అప్పుడే రిలీజ్ కావడానికి రెడీ గా ఉన్న ‘ఖైదీ’ ఢిల్లీ(కార్తీ) ని విజయ్ సాయం అడుగుతాడు. అలా వారిని తీసుకొని హాస్పిటల్ కి బయలుదేరతాడు ఢిల్లీ. ఇక అక్కడి నుంచి ఢిల్లీ మీద జరిగిన అటాక్స్ ఏంటి? వాటి నుంచి ఎలా తప్పించుకున్నారు? ఫైనల్ గా వీళ్ళని ఢిల్లీ సేవ్ చేసాడా?లేదా? అలాగే పట్టుకున్న డ్రగ్స్ పోలీస్ స్టేషన్ లో సేఫ్ గా ఉన్నాయా? లేదా? అనేదే కథ.

సీటీమార్ పాయింట్స్

ఆన్ స్క్రీన్:

• కార్తీ పెర్ఫార్మన్స్ ఈ సినిమాకి మేజర్ హైలైట్. తనలా స్టార్డం ఉన్న హీరోలు డిఫరెంట్ సినిమాలు చేయడానికి వెనుకంజ వేస్తుంటే, తాను మాత్రం ఇలాంటి కథనం ఉన్న సినిమాలతో చేయడమే కాదు, ప్రేక్షకులని మెప్పిస్తున్నందుకు తనకి మా హ్యాట్సాప్. తన నటనే ఈ సినిమాని 50% నిలబెట్టింది చెప్పాలి.

• కార్తీ కూతురుగా చేసిన పాప నటన బాగుండడమే కాకుండా అందరినీ ఎమోషనల్ గా సినిమాకి కనెక్ట్ చేస్తుంది.

• జార్జ్ మరియన్ ట్రాక్ మరియు నటన అందరినీ ఆకట్టుకుంటుంది.

• హైలైట్ ఎపిసోడ్స్ పరంగా చెప్పుకుంటే – పోలీసుల్ని తీసుకెళ్లే ఛేజింగ్ సీన్, ట్రైలర్ లో చూపించిన ఫైట్, ప్రీ క్లైమాక్స్ మరియు క్లైమాక్స్ గన్ ఫైట్ లు ఆడియన్స్ కి రోమాలు నిక్కబొడుచుకునే రేంజ్ ఫీల్ ని ఇస్తాయి.

• ఫాదర్ అండ్ డాటర్ మధ్య మొదటి నుంచి చూపించే ఎమోషన్ చాలా బాగా వర్కౌట్ అయ్యింది.

ఆఫ్ స్క్రీన్:

• స్క్రీన్ ప్లే: మూడు డిఫరెంట్ సబ్ ప్లాట్స్ తో, సూపర్బ్ సీన్స్ తో చాలా ఆసక్తి కలిగించేలా రాసుకున్న స్క్రీన్ ప్లే సినిమాని ఆడియన్స్ కనెక్ట్ చేయడంలో మేజర్ మార్క్స్ కొట్టేసింది.

• డైరెక్టర్ అనుకున్న దృశ్యాలకి సత్యన్ సూర్యన్ విజువల్స్ ప్రాణం పోయడమే కాదు సినిమాని నెక్స్ట్ లెవల్ కి తీసుకెళ్లాయి.

• సామ్ సిఎస్ మ్యూజిక్ ఆడియన్స్ ని ప్రతి సీన్, ప్రతి షాట్ కి కనెక్ట్ అయ్యేలాచేసింది . సినిమాటోగ్రఫీ – మ్యూజిక్ టాప్ నాచ్ లెవల్ లో ఉండడం వల్ల ఆడియన్స్ కి బోర్ కొట్టదు.

• ఫిలోమిన్ రాజ్ ఎడిటింగ్ కూడా సూపర్ స్పీడ్ గా ఉంది.

• యాక్షన్ ఎపిసోడ్స్ అందరికీ హై ఫీల్ ని ఇస్తాయి.

• ప్రొడక్షన్ వాల్యూస్ కూడా ది బెస్ట్ అనేలా ఉన్నాయి. 

ఓవరాల్ ప్లస్ పాయింట్స్:

• కార్తీ అదిరిపోయే పెర్ఫార్మన్స్

• ఫాదర్ – డాటర్ ఎమోషన్

• ఫెంటాస్టిక్ అనిపించే నైట్ఎఫెక్ట్ విజువల్స్

• ప్రీ క్లైమాక్స్ యాక్షన్ ఎపిసోడ్ అండ్ క్లైమాక్స్ గన్ ఫైట్

• ఫస్ట్ హాఫ్ ప్రీ ఇంటర్వల్ ఛేజ్

• మైండ్ బ్లోయింగ్ స్క్రీన్ ప్లే

మైనస్ పాయింట్స్

ఆన్ స్క్రీన్:

• హరీష్ పేరడి చేసిన విలన్ పాత్ర చాలా ఇంకాస్త స్ట్రాంగ్ గా ఉంటే హీరో – విలన్ వార్ ఇంకా రసవత్తరంగా ఉండేది.

• పాత్ర పరంగా కార్తీని ఇంకాస్త మాస్ ఎలివేషన్స్ తో చూపించచ్చు, అలాగే నరేన్ కుమార్ పాత్రని కూడా పూర్తిగా వాడుకోలేదు.

• రెగ్యులర్ ఆడియన్స్ కోరుకునే పాటలు, కామెడీ బిట్స్ లేకపోవడం.

ఆఫ్ స్క్రీన్:

• ఓవరాల్ గా చూసుకుంటే చాలా సింపుల్ గా అనిపించే కథ..

• ఓపెన్ ప్లే లో కాకుండా అక్కడక్కడా కొన్ని థ్రిల్స్ ఉండేలా ప్లాన్ చేసుకుని ఉంటె ఇంకా బాగుండేది.

 ఓవరాల్ నెగటివ్ పాయింట్స్:

• స్ట్రాంగ్ విలన్ లేకపోవడం

• సింపుల్ గా అనిపించే కథ

విశ్లేషణ:

కార్తీ ‘ఖైదీ’ సినిమా ప్రీ రిలీజ్ ఫంక్షన్ లో చెప్పిన మాట – ‘చిరంజీవి గారి ‘ఖైదీ’ సినిమా టైటిల్ ని తక్కువ చేయకుండా చేసేలా మా ‘ఖైదీ’ ఉంటుంది’ అన్నారు. సినిమా చూసాక ఆ మాట చాలా పర్ఫెక్ట్ అని చెప్పాలి. ఆ ఖైదీ’కి ఏ మాత్రం తక్కువ కాకూండా ‘ఖైదీ’ సినిమా ఉంది. దర్శకుడు ఎంచుకున్న కథ చాలా చిన్నదే కావచ్చు, కానీ స్క్రీన్ ప్లే పరంగా ఆయన రాసుకున్న ఫాదర్ – డాటర్ ఎమోషన్, పోలీస్ స్టేషన్ ట్రాక్ మరియు కార్తీ ట్రాక్ అన్నీ సూపర్బ్ గా వర్కౌట్ అయ్యాయి. కొన్ని కొన్ని బ్లాక్స్ ఎమోషన్ పరంగా, టెక్నికల్ పరంగా ఆడియన్స్ ని హై లెవల్ కి తీసుకెళ్తాయి. ముఖ్యంగా టెక్నికల్ గా టాప్ నాచ్ లెవల్ మూవీ అని చెప్పాలి. ఓవరాల్ గా ఏ సెంటర్ ప్రేక్షకుడైనా టికెట్ తీసుకొని థియేటర్ లోకి వెళితే పూర్తయ్యే టైంకి పూర్తి సంతృప్తితో, తీసుకున్న టికెట్ కి, నా సమయానికి హీరో కార్తీ న్యాయం చేసాడు అనే ఫీలింగ్ తో బయటకి వస్తారు. ఈ దీపావళికి హ్యాపీగా చూడదగిన సినిమా ‘ఖైదీ’.

ఫైనల్ పంచ్: ఖైదీ – కథనంతో ప్రేక్షకులని కట్టిపడేసే హిట్టు బొమ్మ.