Karthikeya: ఆర్ఎక్స్ 100 సినిమాతో యూత్ లో క్రేజ్ తెచ్చుకున్న యువ హీరో కార్తికేయ గుమ్మకొండ (Karthikeya). ఆయన నటించిన కొత్త సినిమా “భజే వాయు వేగం”. ఐశ్వర్య మీనన్ హీరోయిన్ గా నటించిన సినిమాలో హ్యాపీ డేస్ ఫేమ్ రాహుల్ టైసన్ ముఖ్య పాత్రలో కనిపిస్తున్నారు. హైదరాబాద్ లో జరిగిన కార్యక్రమంలో సినిమా టైటిల్ అనౌన్స్ చేయడంతోపాటు ఫస్ట్ లుక్, మోషన్ పోస్టర్ రిలీజ్ చేసింది చిత్ర బృందం.
ఫస్ట్ లుక్ పోస్టర్లో క్రికెట్ బ్యాట్ తో హీరో కార్తికేయ పరుగులు పెట్టడం, పెద్ద మొత్తంలో డబ్బు ఎగరడం.. సినిమాపై బజ్ క్రియేట్ అవుతోంది. కొత్త కంటెంట్ తో వచ్చే సినిమాలను ప్రేక్షకులు ఆదరిస్తారని “భజే వాయు వేగం” మరోసారి నిరూపిస్తుందని ఆశాభావం వ్యక్తం చేస్తున్నారు మేకర్స్. ప్రేక్షకులను మెప్పించే అంశాలతో సినిమా తెరకెక్కుతోందని.. అన్ని కార్యక్రమాలు పూర్తి చేసుకుని విడుదలకు సిద్ధమవుతోందని తెలిపారు. త్వరలోనే రిలీజ్ డేట్ అనౌన్స్ చేస్తామని అన్నారు. సినిమాకు రధన్ సంగీతం అందిస్తున్నారు.