నందమూరి కళ్యాణ్ రామ్ నటించిన డెవిల్ ఈ నెల 29న ప్రేక్షకుల ముందుకు రాబోతోంది. ఈ సినిమా ట్రైలర్ రీసెంట్ గా విడుదలై మంచి రెస్పాన్స్ తెచ్చుకుంది. బ్రిటిష్ సీక్రెట్ ఏజెంట్ గా పనిచేసే హీరో, ఒక కేసును ఛేదించడం కోసం రంగంలోకి దిగడం ఆ తర్వాత బ్రిటిష్ సామ్రాజ్యానికి ఎదురుతిరగడం వంటి పరిణామాలు ఆసక్తికరంగా అనిపించాయి.
అయితే ట్రైలర్ చూసిన తర్వాత కొందరికి 2015లో హిందీలో సుశాంత్ సింగ్ రాజ్ పుత్ చేసిన డిటెక్టివ్ బ్యోమకేష్ బక్షి గుర్తుకొచ్చింది. బెంగాలీ రచయిత శరదిందు బంద్యోపాధ్యాయ రాసిన నవల ఆధారంగా ఆ సినిమా తీశారు. హీరో నేపధ్యం, సీక్రెట్ ఏజెంట్, ఇద్దరు హీరోయిన్లు, మర్డర్ కేసు మిస్టరీ.. ఇలా కొన్ని లింకులు అయితే ఉన్నాయి.
మరి నిజంగానే ఆ సినిమా కథనే వాడుకున్నారా లేక పాయింట్ మాత్రం తీసుకుని మొత్తం కథను మార్చారా? లేక ఇది పూర్తిగా కొత్త కథేనా?