Vijay Devarakonda: హీరో విజయ్ దేవరకొండ (Vijay Devarakonda) పై అసభ్యకరమైన వీడియో అప్లోడ్ చేసిన ఓ యూట్యూబర్ ను పోలీసులు అరెస్టు చేశారు. ఆయనపై అసభ్యకరమైన వీడియో చేయడంతో ఆయన టీమ్ పోలీసులను ఆశ్రయించారు. దీంతో యూట్యూబర్ ను అరెస్టు చేశారు. వివరాల్లోకి వెళ్తే.. ఏపీలోని అనంతపురం పట్టణానికి చెందిన ఓ వ్యక్తి విజయ్ దేవరకొండను కించపరుస్తూ కొన్ని వీడియోలు క్రియేట్ చేసి యూట్యూబ్ లో అప్లోడ్ చేశాడు. అవి వైరల్ కావడంతో ఆయన టీమ్ స్పందించి పోలీసులకు ఫిర్యాదు చేశారు.
వీడియోల్లో మరో నటిని సైతం చూపిస్తూ అసభ్యంగా క్రియేట్ చేశారు. దీంతో యూట్యూబర్ ను అరెస్టు చేసి ఆ వీడియోలను డిలీట్ చేయించారు. అనంతరం కౌన్సెలింగ్ ఇచ్చారు. మరోసారి వ్యక్తులను కించపరుస్తూ వీడియోలు చేస్తే కఠిన చర్యలు తీసుకుంటామని హెచ్చరించారు. వాస్తవాలు కాకుండా వ్యక్తులను కించపరుస్తూ ఇతరుల మనోభావాలు దెబ్బ తీసేలా వీడియోలు చేస్తే కఠిన చర్యలు తప్పవని పోలీసులు హెచ్చరించారు. ప్రస్తుతం విజయ్ దేవరకొండ ఫ్యామిలీ స్టార్ సినిమాలో నటిస్తున్నారు.