‘వైఎస్సార్’ పేరుతో ఆంధ్రప్రదేశ్ రాష్ట్రంలో చాలా జరుగుతున్నాయ్. చాలా సంక్షేమ పథకాలకి ఆ ‘వైఎస్సార్’ పేరు వాడుతుండడం చూస్తున్నాం. ఇంతకీ, వైఎస్సార్ అంటే ఏంటి.? దివంగత వైఎస్ రాజశేఖర్ రెడ్డిని వైఎస్సార్ అని పిలుస్తుంటాం. అలాగే, యువజన శ్రామిక రైతు కాంగ్రెస్ పార్టీని కూడా వైఎస్సార్ కాంగ్రెస్ పార్టీ అని పిలుస్తున్నాం.
ఇంతకీ, వైఎస్సార్ అంటే అసలు అర్థమేంటి.? ఎన్టీయార్ హెల్త్ యూనివర్సిటీ పేరుని వైఎస్సార్ హెల్త్ యూనివర్సిటీగా మారుస్తూ వైసీపీ ప్రభుత్వం ఇప్పటికే నిర్ణయం తీసుకున్న సంగతి తెలిసిందే. వ్యక్తుల పేర్లను సంక్షేమ పథకాలకు పెట్టడంలో వింతేమీ లేదు. కానీ, రాజకీయ పార్టీల పేర్లని కూడా సంక్షేమ పథకాలకీ, యూనివర్సిటీలకూ పెడతారా.? అన్నదే ఇక్కడ అసలు సిసలు డౌటానుమానం.
జనసేన నేత, విశాఖ కార్పొరేటర్ పీతల మూర్తి యాదవ్ కేంద్ర ఎన్నికల సంఘానికి ఈ మేరకు ఫిర్యాదు చేశారు. ఈ విషయం ఓ ప్రముఖ పత్రికలో, చిన్న ‘న్యూస్’ కేటగిరీలో మాత్రమే కనిపించిందిగానీ, నిజానికి ఇది రాష్ట్ర వ్యాప్తంగా, దేశవ్యాప్తంగా చర్చ జరగాల్సినంత చాలా చాలా పెద్ద విషయం.
నిజమే కదా, దేశంలో ఇంతవరకు ఏ రాజకీయ పార్టీ కూడా సంక్షేమ పథకాలకి తమ పార్టీ పేర్లను పెట్టుకోలేదు. వైఎస్ జగన్ నేతృత్వంలో నడుస్తున్న యువజన శ్రామిక రైతు కాంగ్రెస్ పార్టీని కాస్తా, ‘వైఎస్సార్ కాంగ్రెస్ పార్టీ’గా వ్యవహరిస్తూ వస్తున్నారు.
వైఎస్సార్ చేయూత అనీ, వైఎస్సార్ పెన్షన్ కానుక అనీ.. ఇలా ఏవేవో పేర్లతో సంక్షేమ పథకాల్ని అమలు చేస్తున్నారు రాష్ట్రంలో. జగనన్న కానుక, చంద్రన్న కానుక.. ఇవన్నీ ఆయా వ్యక్తులు ముఖ్యమంత్రులుగా వున్న సమయంలో అమలవుతున్న, అమలయిన సంక్షేమ పథకాలు గనుక, వాటి పేర్ల విషయంలో అభ్యంతరాలున్నా.. అది అలా అలా నడిచిపోతోంది.
దేశంలో ఏ రాజకీయ పార్టీ కూడా, తమ పార్టీ పేరుతో సంక్షేమ పథకాల్ని నడపడంలేదు. యూనివర్సిటీలకు తమ పార్టీ పేర్లను పెట్టలేదు. వైఎస్సార్ కాంగ్రెస్ పార్టీ అంటే, వైఎస్ రాజశేఖర్ రెడ్డి కాంగ్రెస్ పార్టీ అనే భావనే చాలామందిలో వుంది. ఈలెక్కన, కేంద్ర ఎన్నికల సంఘం సంక్షేమ పథకాలకి ‘వైఎస్సార్’ పేరు విషయమై ఎలా స్పందిస్తుందన్నది వేచి చూడాల్సిందే.
739770 980663An attention-grabbing dialogue is value comment. I believe which you need to have to write far more on this matter, it wont be a taboo topic nevertheless usually individuals are not sufficient to speak on such topics. Towards the next. Cheers 563214
243791 173519This will be an excellent web website, will you be involved in performing an interview regarding how you developed it? If so e-mail me! 667525