ఆంధ్రప్రదేశ్లో ఇసుక కొరత కాస్తా లక్షలాది మంది భవన నిర్మాణ రంగ కార్మికులకు శాపంగా మారింది. వైఎస్ జగన్ ప్రభుత్వం అధికారంలోకి వచ్చాక ఈ దుస్థితి ఏర్పడింది. కొత్త ఇసుక పాలసీ.. అంటూ అర్థం పర్థం లేని విధానాన్ని తీసుకొచ్చిన వైఎస్ జగన్ ప్రభుత్వం.. ఇప్పటికీ అవసరాలకు తగ్గట్టుగా ఇసుకని అందించలేకపోతోన్న విషయం విదితమే. ఈ నేపథ్యంలో భవన నిర్మాణ రంగ కార్మికులు వివిధ రాజకీయ పార్టీల వద్ద తమ ఆవేదనను వెల్లగక్కుతున్నాయి.
కాగా, జనసేన పార్టీ భవన నిర్మాణ కార్మికుల తరఫున ప్రభుత్వంపై ఒత్తిడి తెచ్చేందుకోసం ‘ఛలో విశాఖపట్నం’ కార్యక్రమానికి పిలుపునిచ్చిన విషయం విదితమే. నవంబర్ 3 లేదా 4 తేదీల్లో ఈ కార్యక్రమం వుంటుందని జనసేన పార్టీ ఇప్పటికే పిలుపునిచ్చింది. తాజాగా, డేట్ని ఫైనలైజ్ చేసింది జనసేన పార్టీ. విశాఖపట్నంలో నవంబర్ 3వ తేదీన మధ్యాహ్నం 3 గంటలకు జనసేన అధినేత పవన్ కళ్యాణ్ నేతృత్వంలో ‘లాంగ్ మార్చ్’ వుండబోతోంది.
ఆంధ్రప్రదేశ్ రాజకీయాల్లో కనీ వినీ ఎరుగని రీతిలో ఈ ‘లాంగ్ మార్చ్’ జరుగుతుందని జనసేన పార్టీ వర్గాలు అంటున్నాయి. అయితే, ప్రభుత్వ వైఫల్యాల్ని ఎవరు ఎండగట్టినా ఉక్కుపాదంతో అణచివేసేందుకే మొగ్గు చూపుతున్న వైఎస్ జగన్ ప్రభుత్వం, అడుగడుగునా ఈ లాంగ్ మార్చ్కి సైతం ఆటంకాలు కలిగించే అవకాశాలు లేకపోలేదు. ‘ఇసుక పేరుతో రాజకీయాలు చేయడం మానుకోవాలి.. రాష్ట్రంలో నదులు వరదలతో ఉప్పొంగడంతోనే ఇసుక సమస్య తలెత్తింది.. సరిపడా ఇసుకని అందుబాటులోకి తెస్తున్నాం..’ అంటూ అధికార పార్టీ నేతలు ఇప్పుడిప్పుడే బుకాయింపులు షురూ చేశారు.
మరీ ముఖ్యంగా పులువురు మంత్రులు రాష్ట్రంలో ఇసుక సమస్య అసలే లేదంటూ విషయాన్ని తప్పుదోవ పట్టించేందుకు ప్రయత్నిస్తున్నారు. ఇదిలా వుంటే, ‘లాంగ్ మార్చ్’ ఎఫెక్ట్ అప్పుడే ప్రభుత్వం మీద పడిందనీ.. సమస్య నుంచి ఎలా గట్టున పడాలో తెలియక అధికార పార్టీ నేతలు మల్లగుల్లాలు పడుతున్నారని జనసేన పార్టీ నేతలు చెబుతున్నారు.
129081 211885Hello. I wanted to ask one thingis this a wordpress internet internet site as we are planning to be shifting over to WP. Furthermore did you make this template yourself? Thanks. 328375
857547 57517Typically the New york Weight Loss diet is certainly less expensive and flexible staying on your diet scheme intended for measures however rapidly then duty maintain a nutritious daily life. weight loss 255399