ఇదిగో పోలవరం.. అదిగో పోలవరం.. అంటూ ఇప్పటిదాకా చాలా ప్రభుత్వాలు పోలవరం ప్రాజెక్టు పేరుతో పబ్లిసిటీ స్టంట్లు చేశాయి. ఎవరు ఔనన్నా ఎవరు కాదన్నా పోలవరం ప్రాజెక్టుకి శాపం రాజకీయమే. ఇందులో ఇంకో మాటకు తావు లేదు. ఎప్పుడో బ్రిటిష్ హయాంలో పోలవరం ప్రాజెక్టు గురించిన ఆలోచన జరిగితే.. ఇప్పటికీ పోలవరం ప్రాజెక్టు పూర్తి కాకపోవడాన్ని ఏమనుకోవాలి.? ఆలస్యం జరుగుతున్నకొద్దీ పోలవరం ప్రాజెక్టు ‘అంచనా వ్యయం’ పెరిగిపోతూ వస్తోంది.
వైఎస్ రాజశేఖర్రెడ్డి హయాంలోనూ పోలవరం ప్రాజెక్టుపై నానా యాగీ జరిగింది. ‘మూడేళ్ళలో పూర్తి చేస్తాం..’ అంటూ అప్పట్లో వైఎస్ రాజశేఖర్రెడ్డి ప్రభుత్వం చెప్పింది. ఆ తర్వాత ఉమ్మడి రాష్ట్రం రెండుగా విడిపోయింది. చంద్రబాబు, ఆంధ్రప్రదేశ్ ముఖ్యమంత్రి అయ్యారు.. ఆయనా ఐదేళ్ళు పోలవరం ప్రాజెక్టు పేరుతో పబ్లిసిటీ స్టంట్లు చేశారు. ఇప్పుడు వైఎస్ జగన్ ప్రభుత్వం ఇందుకు మినహాయింపేమీ కాదు. ‘మేం పబ్లిసిటీ స్టంట్లు చేయం..’ అంటూనే, ప్రస్తుత ప్రభుత్వ పెద్దలు కూడా అవే పబ్లిసిటీ స్టంట్లు చేస్తుండడం అందర్నీ విస్మయానికి గురిచేస్తోంది.
పోలవరం ప్రాజెక్టు.. జాతీయ ప్రాజెక్టు. ఈ ప్రాజెక్టుకి నిధులు ఇవ్వాల్సింది కేంద్రమే. కానీ, కేంద్రం ఇవ్వాల్సిన స్థాయిలో.. ఇవ్వాల్సిన వేగంతో పోలవరం ప్రాజెక్టుకి నిధులు ఇవ్వడంలేదు. మరోపక్క, ‘కేంద్రం మెడలు వంచైనా సాధిస్తాం..’ అని చెబుతున్న రాష్ట్రంలోని అధికార పార్టీలు తమంతట తాము మెడలు వంచేసుకోవడం తప్ప, కేంద్రం నుంచి న్యాయంగా రావాల్సిన నిధుల్ని తీసుకురాలేకపోతున్నారు.
‘వైఎస్ రాజశేఖర్రెడ్డి మొదలు పెట్టిన ప్రాజెక్టుని ఆయన తనయుడు జగన్ మోహన్రెడ్డి పూర్తి చేస్తారు..’ అంటూ తాజాగా వైసీపీ ముఖ్య నేత విజయసాయిరెడ్డి ట్వీటేశారు. ప్రాజెక్టు పూర్తయితే మంచిదే. కానీ, ఆ స్థాయిలో కేంద్రంపై రాష్ట్ర ప్రభుత్వం నుంచి ఒత్తిడి వుందా.? అంటే ఆ పరిస్థితే కన్పించడంలేదు. ఇటీవల కేంద్ర ఆర్థిక మంత్రి నిర్మలా సీతారామన్ని రాష్ట్ర ఆర్థిక మంత్రి బుగ్గన రాజేంద్రనాథ్ కలిశారు. పలువురు ఇతర కేంద్ర మంత్రులతోనూ ఆయన భేటీ అయ్యారు. పోలవరం ప్రాజెక్టు గురించి చర్చించారు. అయితే, కేంద్ర మంత్రులెవరూ మీడియా ముందుకొచ్చి, పోలవరం ప్రాజెక్టు గురించి మాట్లాడకపోవడం గమనార్హం.
పోలవరం ప్రాజెక్టు ఆంధ్రప్రదేశ్కి జీవనాడి.. దశాబ్దాల రాజకీయ నిర్లక్ష్యం కారణంగా ఈ ప్రాజెక్టు కల సాకారం కావడంలేదు. ఇంకో నాలుగేళ్ళ సమయం జగన్ సర్కార్కి వుంది గనుక.. ఈ లోగా ప్రాజెక్టు పూర్తవుతుందా.? చంద్రబాబు హయాంలోనే 70 శాతం ప్రాజెక్టు పూర్తయిపోయిందని లెక్కలు చెబుతున్న దరిమిలా.. జగన్ సర్కార్, ఆ మిగిలిన 30 శాతం పనులు పూర్తి చేయడానికి ఇంకెన్నాళ్ళ సమయం తీసుకుంటుందో ఏమో.!
711283 786168Hey! Do you know if they make any plugins to protect against hackers? Im kinda paranoid about losing everything Ive worked hard on. Any recommendations? 740434
109731 775932As far as me being a member here, I wasnt aware that I was a member for any days, really. When the post was published I received a notification, so that I could participate in the discussion of the post, That would explain me stumbuling upon this post. But were certainly all members within the world of ideas. 522567