సాధారణంగా సినిమాల్లో గ్రీన్ మ్యాట్, బ్లూ మ్యాట్ వినియోగం గురించి వింటుంటాం. ఇప్పుడైతే ఎక్కువగా గ్రీన్ మ్యాట్నే వాడుతున్నారు. సినిమాల్లోనే కాదు, న్యూస్ ఛానళ్ళలోనూ వీటిని వాడక తప్పడంలేదు.
గ్రీన్ మ్యాట్లో ఏదన్నా వీడియో చిత్రీకరిస్తే, అవసరానికి తగ్గట్టుగా బ్యాక్గ్రౌండ్ మార్చేసుకోవచ్చు. అంటే, స్టూడియోలో సాధారణంగా చిత్రీకరించే దృశ్యాల్ని వెండితెరపై అసాధారణంగా, అత్యద్భుతంగా చూపించేయొచ్చన్నమాట. ఇదీ గ్రీన్ మ్యాట్ తాలూకు ఉద్దేశ్యం.
మరి, ఓ కొండకి గ్రీన్ మ్యాట్ వేస్తే, దానర్థమేంటి.? కాస్త ఆలోచించాల్సిన విషయమే ఇది. ఆంధ్రప్రదేశ్లోని విశాఖపట్నం మహా నగరానికి వున్న చాలా ల్యాండ్ మార్క్స్లో రుషి కొండ కూడా ఒకటి. పర్యాటక ప్రాంతమిది. సముంద్రం పోటెత్తినా, విశాఖ నగరాన్ని కొంత మేర రక్షించే సత్తా వుంది ఈ రుషి కొండకి.
అందుకే, ఈ రుషి కొండ మీద వైసీపీ సర్కారు కన్నేసింది. రుషి కొండ అభివృద్ధి పేరుతో గుండు కొట్టేశారు. రుషి కొండపై పచ్చదనమంతా దాదాపుగా పోయింది. ఎప్పుడూ ఆకుపచ్చగా కనిపించే రుషి కొండ ప్రస్తుతం ఎర్రగా కనిపిస్తూ ఒకింత భయభ్రాంతులకు గురిచేస్తోంది విశాఖ వాసుల్ని.
ప్రపంచ వ్యాప్తంగా ఇప్పుడీ రుషి కొండ వ్యవహారం హాట్ టాపిక్. విశాఖ ప్రముఖ పర్యాటక కేంద్రం కావడంతో, ఆ విశాఖలోని రుషి కొండకు జరుగుతున్న అన్యాయం గురించి ఎవరైనా మాట్లాడుకోవడంలో వింతేముంది.? అభివృద్ధి పనుల పేరుతో రుషి కొండకు బోడి గుండు కొట్టేశారన్నది నిర్వివాదాంశం.
న్యాయస్థానాల్లో మొట్టికాయలు పడతాయనున్నారో, ఎలాగోలా జనాన్ని అలాగే వ్యవస్థల్నీ ఏమార్చేయగలమనుకున్నారోగానీ.. అధికారంలో వున్నవారికి ఓ వెరైటీ ఆలోచన వచ్చింది. రుషి కొండకి గ్రీన్ మ్యాట్ వేసేస్తే ఎలా వుంటుంది.? అన్నదే ఆ ఆలోచన. ఆలోచన వచ్చిందే తడవు గ్రీన్ మ్యాట్ కప్పేశారు. దాంతో, ఎరుపు రంగుతో భయపెట్టే పరిస్థితి లేకపోయిందన్నమాట.
ఇంతకీ, ఈ గ్రీన్ మ్యాట్ కప్పడం ద్వారా ఏం చేస్తారు.? అక్కడ తమక్కావాల్సిన రీతిలో గ్రాఫిక్స్ చెట్లు పెంచేసి, వ్యవస్థల్ని మాయ చేసేందుకు జరుగుతున్న ప్రయత్నంగా దీన్ని చూడొచ్చా.? గొడ్డలిపోటు గుండెపోటుగా భ్రమింపజేసేందుకు ప్రయత్నించినట్టే.. ఈ గ్రీన్ మ్యాట్ ప్రయత్నం కూడా.
899949 764616I like the way you conduct your posts. Hmm 632909