ఎవరీ బోరుగడ్డ.? ప్రజాస్వామ్యంలో ఇలాంటి తీవ్రవాదులకు చోటుందా.?

చంపేస్తా.. రేప్ చేస్తా.. అంటూ మీడియా ముఖంగానే బెదిరింపులకు దిగుతున్నాడో వ్యక్తి. నర రూప రాక్షసుడు.. అని ఇలాంటోళ్ళని అంటే తప్పేంటి.? తీవ్రవాద భావజాలంతో కొట్టుమిట్టాడుతున్నాడంటే నేరమేంది.?

బోరుగడ్డ అనిల్.. ఈయన వైసీపీ సానుభూతిపరుడు. కానీ, వైసీపీలో లేడు. పేరూ ఊరూ పెద్దగా తెలియని ఏదో ఓ అనామక పార్టీలో వుంటాడు. ముఖ్యమంత్రి వైఎస్ జగన్ మోహన్ రెడ్డికి అత్యంత సన్నిహితులు. వైసీపీలో చాలామందితో అత్యంత సన్నిహిత సంబంధాల్ని కలిగి వున్నోడు.

మొన్నామధ్య పవన్ కళ్యాణ్ కూతురిపై అత్యాచారం చేస్తానంటూ బెదిరించినోడు ఇతగాడు. మరి, ఆంద్రప్రదేశ్ రాష్ట్రంలో పోలీసు వ్యవస్థ ఏం చేస్తోంది.? ఇంకేం చేస్తుంది.. అది అధికార పార్టీకి బాకా ఊదే వ్యవస్థ మాత్రమే అయిపోయిందిప్పుడు. దాంతో, ఇలాంటోళ్ళు చెలరేగిపోవడంలో వింతేమీ లేదు.

తాజాగా వైసీపీ రెబల్ ఎమ్మెల్యే కోటంరెడ్డి శ్రీధర్ రెడ్డిని కుక్కలా కారుకి కట్టేసి ఈడ్చుకుపోతాడట బోరుగడ్డ అనిల్. ఓ ఎమ్మెల్యేని తన్ని, ఈడ్చుకెళ్తానంటున్నాడంటే.. ఇలాంటోడి గురించి పోలీసు శాఖ ఎలాంటి చర్యలు తీసుకుంటుందట.? ఇంతకు ముందే చెప్పుకున్నాం కదా.. పోలీసు వ్యవస్థకి ఇప్పుడున్న పరిస్థితుల్లో ఇలాంటివి కనపడవు, వినపడవు. కేవలం వైసీపీ కళ్ళతోనే చూడటం పోలీసు వ్యవస్థ ‘బాధ్యత’గా మారింది మరి.

ఎప్పుడైతే అధికార పార్టీకి ప్రజా ప్రతినిథులు ఎదురు తిరుగుతారో, వెంటనే వారికి భద్రత తగ్గించబడుతుంది. ఇదొక్కటి చాలు, పోలీసు వ్యవస్థ ఎంత గొప్పగా ఆంధ్రప్రదేశ్ రాష్ట్రంలో పనిచేస్తుందో చెప్పడానికి.

ఓ వైపు పోలీసు వ్యవస్థను తమ ఇష్టానికి వాడుకుంటూ, ఇంకోవైపు బోరుగడ్డ అనిల్ లాంటి అరాచక వాదుల్ని ఉపయోగించుకుంటున్న వైసీపీ.. అసలు సభ్య సమాజానికి ఏం సందేశం ఇస్తోంది.?

‘మా పార్టీకి ఆయనతో సంబంధం లేదు..’ అని వైసీపీ నేతలు చేతులు దులుపుకోవడం ఇక్కడ హైలైట్ ఎలిమెంట్. సుపారీ కిల్లర్స్ తరహాలో.. బోరుగడ్డ అనిల్ లాంటోళ్ళు వైసీపీ సుపారీ గ్యాంగ్ సభ్యులన్నమాట.