అమ్మ ఒడి పేరుతో వైఎస్ జగన్ మోహన్ రెడ్డి ప్రభుత్వం కొత్త పథకాన్ని తెరపైకి తెచ్చింది. జనవరి 26 (అంటే, 2020 ) నుంచి ఈ పథకం అమల్లోకి రాబోతోందిట. విద్యను వ్యాపారంగా మార్చడాన్ని తమ ప్రభుత్వం అస్సలేమాత్రం సహించదంటూ మంత్రి ఆదిమూలపు సురేష్‌ చెబుతున్నా, అమ్మ ఒడి పథకం లక్ష్యమేంటో మాత్రం స్పష్టంగా కన్పిస్తూనే వుంది. స్కూలుకు తన బిడ్డను పంపించే ప్రతి తల్లికీ వైఎస్ జగన్ ప్రభుత్వం ఏడాదికి 15 వేల రూపాయల్ని అందిస్తుందన్నది ఈ పథకంలోని ముఖ్యమైన అంశం. ఆ 15 వేలు కేవలం ప్రైవేటు విద్యా సంస్థల ఫీజుల కోసం మాత్రమేనన్నది నిర్వివాదాంశం. అంటే, సర్కారీ స్కూళ్ళకు ఎవరూ వెళ్ళొద్దు, ప్రభుత్వం ఇచ్చే డబ్బులతో మీ పిల్లల్ని ఎంచక్కా ప్రైవేటు స్కూళ్ళకు పంపించండనే కదా అర్థం.!
ప్రభుత్వం తరఫున ఇంత బాహాటంగా ప్రైవేటు విద్యా సంస్థల్ని ప్రోత్సహిస్తోంటే, భవిష్యత్తులో సర్కారీ స్కూల్‌ అనేది కాలగర్భంలో కలిసిపోవడం ఖాయం. ఇందులో ఇంకో మాటకు తావు లేదు. వైఎస్ హయాంలో తెరపైకి వచ్చిన ఆరోగ్య శ్రీ కూడా అప్పట్లో ఇలాంటి విమర్శలే ఎదుర్కొంది. వైద్య – ఆరోగ్య శాఖలో సంచలన మార్పులు తీసుకొచ్చి, వైద్యాన్ని సామాన్యుడికి చేరువ చేయాలనీ, సర్కారీ ఆసుపత్రుల్ని బలోపేతం చేయాలనీ అంతా కోరుకుంటోన్న తరుణంలో, వైఎస్ రాజశేఖర్‌రెడ్డి సర్కారీ ఆసుపత్రుల్ని సామాన్యులకి దూరం చేసేశారు.
ఆరోగ్యశ్రీ కారణంగా, ప్రైవేటు హాస్పిటల్స్‌ కార్పొరేట్‌ మాఫియా స్థాయికి చేరిపోయాయన్న విమర్శలు ఈనాటికీ విన్పిస్తున్నాయి. స్టార్‌ హోటళ్ళను తలపించేలా ప్రైవేటు ఆసుపత్రులు ఎదిగాయంటే, దానికి కారణం ఆరోగ్యశ్రీనే. కడుపు నొప్పి వస్తే చాలు, ఆరోగ్యశ్రీ కింద, సర్జరీ చేసేసి.. వేలు, లక్షలు దండుకుంటున్నాయి కార్పొరేట్‌ ఆసుపత్రులు. అయితే, ఆరోగ్యశ్రీ వల్ల కొంత మేలు జరిగిన మాట కూడా వాస్తవం.
కానీ, ప్రైవేటు విద్యా సంస్థల వల్ల సాధారణ ప్రజానీకానికి మేలు జరగకపోగా, కీడు జరిగే అవకాశమే ఎక్కువ. పేద పిల్లల్ని ప్రైవేటు స్కూళ్ళలో చదివించి, దానికోసం తల్లులకు 15 వేల రూపాయలు ఏడాదికి ఇచ్చేబదులు, ఆ మొత్తంతో సర్కారీ స్కూళ్ళను సౌకర్యాల పరంగా కార్పొరేట్‌ స్కూళ్ళ స్థాయికి తీసుకురాగలిగితే, పైసా ఖర్చు లేకుండా విద్య అందరికీ అందుబాటులోకి వస్తుంది కదా.? కానీ, ప్రజల డబ్బుతో ఆ ప్రజల ఓట్లను కొనేయడాన్ని అలవాటు చేసుకున్న రాజకీయం ఇంతకన్నా గొప్పగా ఎలా ఆలోచిస్తుంది.?
Related posts
జగన్‌కి స్వామీజీ ఆశీస్సులు.. సింగర్‌ చీవాట్లు
371447 389108Woh I like your blog posts, saved to fav! . 174884
786974 245838hi was just seeing in case you minded a comment. i like your site and the thme you picked is awesome. I will be back. 826195
796746 222902There is clearly a great deal to know about this. I feel you created various good points in capabilities also. 88518