Eagle : రవితేజ హీరోగా అనుపమ పరమేశ్వరన్ హీరోయిన్ గా నటించిన ఈగల్ సినిమా ఫిబ్రవరి 9న ప్రేక్షకుల ముందుకు రాబోతుంది. తాజాగా ఈ సినిమా ప్రీ రిలీజ్ ఈవెంట్ ను వైభవంగా నిర్వహించారు. ఈ ప్రీ రిలీజ్ ఈవెంట్ లో హీరోయిన్ అనుపమ పరమేశ్వరన్ దర్శకుడు కార్తీక్ కి రాఖీ కట్టడం చర్చనీయాంశంగా మారింది.
ఇంతకు ముందు ఒక ఇంటర్వ్యూలో దర్శకుడు కార్తీక్ తనకు అన్నయ్య అంటూ అనుపమ పరమేశ్వరన్ వ్యాఖ్యలు చేసింది. నాలుగు సినిమాలు కలిసి వర్క్ చేయడంతో కార్తీక్ తో మంచి సంబంధం ఏర్పడింది. నాకు ఒక అన్నయ్య దొరికాడు అంటూ అనుపమ పలు సందర్భాల్లో చెప్పుకొచ్చింది.
తాజా ప్రీ రిలీజ్ ఈవెంట్ లో యాంకర్ సుమ మీ అన్నయ్య కు రాఖీ కట్టు అంటూ స్టేజ్ పైకి పిలిచి మరీ కార్తీక్ కి రాఖీ కట్టించింది. ప్రీ రిలీజ్ ఈవెంట్ లో దర్శకుడికి హీరోయిన్ రాఖీ కట్టడంతో వార్త వైరల్ అవుతోంది. అలా ఈగల్ సినిమాకు మంచి పబ్లిసిటీ దక్కింది. వారు ఇదంతా కూడా పబ్లిసిటీ కోసమే చేసి ఉంటారని కూడా కొందరు కామెంట్స్ చేస్తున్నారు.