‘దిశ చట్టం వల్లనే గుంటూరులో ఓ యువతి హత్య కేసులో దోషికి అత్యంత తక్కువ కాలంలో శిక్ష పడింది..’ అని అధికార పార్టీ విపరీతమైన పబ్లిసిటీ చేసుకుంది. అసలు దిశ చట్టం అమల్లోనే వుందా.? అని గట్టిగా ప్రశ్నిస్తే, దానికి కేంద్రం ఆమోదం తెలపలేదు గనుక.. దిశ ఇంకా చట్ట రూపం దాల్చలేదనే సమాధానం వైసీపీ ప్రభుత్వం నుంచి వస్తుంటుంది.
కానీ, దిశ యాప్.. దిశ పోలీస్ స్టేషన్లు.. దిశ వాహనాలు.. ఇలా చాలానే వున్నాయి. పేరులో ఏముంది.? మహిళలకు ఏ పేరుతో రక్షణ కల్పించినా అభినందించాల్సిందే. దిశ ద్వారా మహిళలకు ఎంతమంది మహిళలకు రక్షణ, భద్రత లభించింది.? అన్నదానిపై భిన్న వాదనలున్నాయి.
కానీ, జరుగుతున్న పబ్లిసిటీకీ.. తెరపైకొస్తున్న అఘాయిత్యాలకీ అస్సలు పొంతన వుండడంలేదు. మొన్న విజయవాడ ఘటన, ఆ తర్వాత గుంటూరు ఘటన… ఆ వెంటనే మరో ఘటన.. రాష్ట్రంలోని పలు జిల్లాల్లో వరుసగా వెలుగు చూస్తున్న మహిళలపై అఘాయిత్యాల ఘటనలతో అంతా విస్తుపోతున్నారు.. సగటు మహిళలైతే తీవ్ర భయాందోళనలకు గురవుతున్నారు.
‘మీ హయాంలో ఏం చేశారు.?’ అంటూ ప్రస్తుత ప్రతిపక్షం తెలుగుదేశం పార్టీ మీద ఎదురుదాడి చేసినంత శ్రద్ధతో అధికార పక్షం.. బాధ్యతాయుతంగా వ్యవహరిస్తే, మహిళలపై అఘాయిత్యాలు ఆగుతాయి.
గతంలోనూ ఓ మహిళ హోంమంత్రిగా వున్నారు.. ఇప్పుడూ హోం మంత్రిగా మహిళే వున్నారు. కానీ, మహిళలకు ఎందుకు భద్రత కరువయ్యింది.? ఈ విషయమై విపక్షాలు తీవ్రస్థాయిలో ప్రభుత్వాన్ని ప్రశ్నిస్తున్నాయి. ఎవరెంతలా ప్రశ్నిస్తున్నా, ప్రభుత్వమైతే మొద్దు నిద్ర వీడటంలేదు.
‘ఆయా కేసుల్లో నిందితుల్ని వేగంగా అరెస్టు చేయగలిగాం..’ అని మాత్రమే ప్రభుత్వం చెబుతోంది. ఎన్ని కేసుల్లో దోషులకు శిక్షలు పడుతున్నాయ్.? అన్నదానిపై మళ్ళీ స్పష్టత లేదు.
‘మహిళలకు భద్రత లేని రాష్ట్రం..’ అనే ముద్ర ఏపీ మీద పడిపోతోంది.. వరుస అఘాయిత్యాల నేపథ్యంలో. దీనికి ముఖ్యమంత్రి వైఎస్ జగన్ మోహన్ రెడ్డి ఏం సమాధానమిస్తారు.?
825994 777258Quickly and easily build your web traffic and PR, which provides Web internet site visitors to add your page to any social bookmarking site. 628359
778663 791889Currently it seems like BlogEngine is the very best blogging platform out there right now. (from what Ive read) Is that what you are using on your weblog? 845539