దిశ నిందితుల డెడ్ బాడీల కోసం ఎంత ఖర్చు చేస్తున్నారో తెలుసా?

నవంబర్ 27 వ తేదీ రాత్రి 9:30గంటలు… తోడుంపల్లి టోల్ ప్లాజా ప్రాంతం… హాస్పిటల్ నుంచి తిరిగి వచ్చి తన బైక్ తీసుకుబోతున్న దిశను కిడ్నాప్ చేసి అత్యాచారం చేసి హత్య చేసిన ఘటన ఒక్కసారిగా సంచలనాన్ని సృష్టించింది. దేశం మొత్తం కుదిపేసింది. దిశపై అత్యాచారం చేసి హత్య చేసిన నిందితులను ఎన్ కౌంటర్ చేయాలని, లేదంటే తమకు అప్పగించాలని చెప్పి పెద్ద ఎత్తున పోలీస్ స్టేషన్ వద్దకు ప్రజలు చేరుకోవడంతో పరిస్థితులు ఉద్రిక్తభరితంగా మారిపోయాయి.

ఆ తరువాత రిమాండ్ కు తీసుకెళ్లడం.. అక్కడి నుంచి సీన్ రి కన్స్ట్రక్షన్ పేరుతో నిందితులను చటాన్ పల్లి ఫ్లైఓవర్ దగ్గరకు వెళ్ళగానే వాళ్ళను పోలీసులు ఎన్ కౌంటర్ చేయడంతో కేసు క్లోజ్ అయ్యిందని పోలీసులు భావించారు. అదే రోజు నలుగురు నిందితులను ఖననం చేయాలని అనుకున్న సమయంలో ఎన్.హెచ్.ఆర్.సి జోక్యంతో ఖననం ఆగిపోయింది. హైకోర్టు కూడా అడ్డుకోవడంతో మహబూబ్ నగర్ మెడికల్ కాలేజీలో నిందితుల మృతదేహాలను రెండు రోజులు ఉంచారు.

అయితే, ఆ తరువాత మృతదేహాలను గాంధీ మార్చురీలో భద్రపరచాలని హైకోర్టు ఆదేశించింది. అంతేకాదు, మృతదేహాలు డి కంపోజ్ కాకుండా చూడాలని ప్రభుత్వాన్ని ఆదేశించడంతో… ప్రభుత్వం గాంధీలో ప్రత్యేకంగా మార్చురీలో ఉంచి డి కంపోజ్ కాకుండా ఉండేందుకు ఇంజెక్షన్లు ఇస్తున్నారు. ఒక్కో ఇంజెక్షన్ ఖరీదు రూ. 7500.

వారానికి ఒకసారి ఈ డెడ్ బాడీలకు ఇంజెక్షన్లు ఇవ్వాలి. అలా చేయడం వలన డెడ్ బాడీలు డికంపోజ్ కాకుండా ఉంటాయి. ఇదంతా ప్రభుత్వానికి అదనపు ఖర్చు అని చెప్పాలి. మరి ఎన్ని రోజులు అంటే ఏమో చెప్పలేం… డెడ్ బాడీ ల విషయంలో సుప్రీం కోర్టు చెప్పేవరకు ఆగకతప్పదు. అసలే ఇప్పుడు ఎన్ కౌంటర్ నిగ్గు తేల్చేందుకు సుప్రీం కోర్టు త్రిసభ్య కమిటీని ఏర్పాటు చేసింది కదా. ఆ కామెడీ తీసుకునే నిర్ణయం బట్టి కూడా ఉండొచ్చు.