ధర్మపురి అరవింద్.. బీజేపీ ఎంపీ.. అనూహ్యంగా ఎంపీగా గెలిచారు.. అదీ, తెలంగాణ రాష్ట్ర సమితి అధినేత కేసీఆర్ కుమార్తె కల్వకుంట్ల కవిత మీద పోటీ చేసి గెలవడమంటే ఆషామాషీ వ్యవహారం కాదు. అప్పటినుంచీ, బీజేపీలో అరవింద్ దూకుడు ఓ రేంజ్లో కనిపిస్తోంది. అయితే, గ్రేటర్ ఎన్నికల సమయంలో అరవింద్ వ్యాఖ్యలు పెను దుమారం రేపుతున్నాయి.
‘మేం ఎవరి దగ్గరకూ వెళ్ళి, పార్టీలో చేర్చుకోవట్లేదు.. ఎవరినీ మేం బతిమాలట్లేదు.. వాళ్ళే మా పార్టీలో వచ్చి చేరుతున్నారు..’ అంటూ సంచలన వ్యాఖ్యలు చేశారు అరవింద్. అయితే, బీజేపీ నేతలు.. తెలంగాణలో బలపడే క్రమంలో వివిధ రాజకీయ పార్టీలకు చెందిన ప్రముఖ నేతల చుట్టూ చక్కర్లు కొడుతోన్న విషయం విదితమే.
విజయశాంతి దగ్గరకు వెళ్ళిందీ బీజేపీ నేతలే.. విక్రమ్ గౌడ్ వద్దకు వెళ్ళింది కూడా బీజేపీ నేతలే. గ్రేటర్ హైద్రాబాద్ ఎన్నికల్లో మద్దతు కోసం మిత్రపక్షం జనసేన దగ్గరకు వెళ్ళిందీ బీజేపీ నేతలే. కానీ, తెలంగాణలో బీజేపీకి ఎవరితోనూ పొత్తు లేదని అరవింద్ అంటున్నారు. ‘బీజేపీ, జనసేన పొత్తు ఆంధ్రప్రదేశ్కే పరిమితం..’ అంటూ అరవింద్ సంచలన వ్యాఖ్యలు చేశారు. దాంతో, జనసైనికులకు ఒళ్ళు మండిపోతోంది.
ఇప్పటికే జనసైనికులు, గ్రేటర్ హైద్రాబాద్ పరిధిలో బీజేపీ అభ్యర్థుల తరఫున ప్రచారం చేస్తున్నారు. నిజానికి, గ్రేటర్ ఎన్నికల్లో జనసేన కూడా తమ అభ్యర్థుల్ని నిలబెట్టాలనుకుంది. అయితే, బీజేపీ సీనియర్ నేత, కేంద్ర హోంశాఖ సహాయ మంత్రి కిషన్రెడ్డి అభ్యర్థనతో, జనసేన అధినేత పవన్ కళ్యాణ్.. తమ అభ్యర్థుల్ని బరిలో నిలవకుండా చేసి, బీజేపీకి తమ పార్టీ తరఫున మద్దతిస్తామని ప్రకటించారు.
గ్రేటర్ ఎన్నికల పోలింగ్కి సమయం దగ్గరపడుతుండగా, ఈ సమయంలో బీజేపీ నేత అరవింద్, జనసేన పట్ల చేసిన అనుచిత వ్యాఖ్యలతో ఒక్కసారిగా జనసైనికుల్లో అసహనం కట్టలు తెంచుకుంటోంది. అయితే, అధినేత పవన్ కళ్యాణ్ చేసిన సూచనకు కట్టుబడి, బీజేపీకి మద్దతివ్వక తప్పడంలేదు జనసైనికులకి. ‘జనసేన – బీజేపీ పొత్తు గురించి అరవింద్ మాట్లాడటం హాస్యాస్పదం. ఆ పొత్తు జాతీయ స్థాయి నేతలతో, జనసేన అధిష్టానానికి కుదిరింది. అరవింద్ వ్యాఖ్యల్ని పట్టించుకోవాల్సిన అవసరం లేదు..’ అని జనసేన నేతలు, జనసైనికులకు సూచిస్తోంటే, కొందరు బీజేపీ నేతలు కూడా ఇదే అభిప్రాయం వ్యక్తం చేస్తున్నారు.
మొన్నటికి మొన్న తెలంగాణ బీజేపీ అధ్యక్షుడు బండి సంజయ్ సైతం, జనసేనను లైట్ తీసుకున్న విషయం విదితమే. ఏదిఏమైనా, జనసేన విషయంలో బీజేపీలో ఒక్కో నాయకుడిదీ ఒక్కో తీరు అన్నట్టుంది. ఈ విషయమై జనసేన అధినేత, బీజేపీ అధిష్టానం నుంచి స్పష్టత తీసుకోవాల్సిన అవసరం వుంది. అన్నిటికీ మించి, జనసేనతో బీజేపీ పొత్తు వల్ల జనసేనకే నష్టమన్న విషయం జనసేనాని గుర్తెరిగితే మంచిదేమో.
406494 809123Some genuinely marvelous work on behalf with the owner of this web web site , dead excellent topic matter. 932710
326541 231731Youre so cool! I dont suppose Ive read anything like this before. So good to locate somebody with some original thoughts on this topic. realy thank you for starting this up. this internet site is something that is necessary on the internet, someone with slightly originality. useful job for bringing something new towards the internet! 360205