డియర్ మేఘ మూవీ రివ్యూ

రీసెంట్ గా డీసెంట్ అంచనాలు రేకెత్తించిన చిత్రం డియర్ మేఘ. మేఘ ఆకాష్ ప్రధాన పాత్రలో అర్జున్ సోమయాజులు, అదిత్ అరుణ్ నటించిన ఈ చిత్రం ఈరోజే విడుదలైంది. మరి ఈ సినిమా ఎలా ఉందో తెలుసుకుందాం.

కథ:

మేఘ (మేఘ ఆకాష్) కాలేజ్ లో చదువుకునే అమ్మాయి. తన తోటి స్టూడెంట్ అర్జున్ (అర్జున్ సోమయాజులు)ని ఇష్టపడుతుంది. అయితే మేఘ ప్రేమను అర్ధం చేసుకోలేని అర్జున్ కాలేజ్ విడిచి వెళ్ళిపోతాడు. మళ్ళీ మూడేళ్ళ తర్వాత ఇద్దరూ కలుసుకుంటారు. ఈసారి ఒకరి ఫీలింగ్స్ ఒకరు అర్ధం చేసుకుంటారు. కానీ దురదృష్టవశాత్తూ మేఘ, అర్జున్ ను కోల్పోతుంది. ఇక అతి కష్టం మీద జీవితంలో మూవ్ ఆన్ అయ్యి ఆది (అదిత్ అరుణ్)ను ప్రేమిస్తే సరిగ్గా అదే సమయంలో అర్జున్ తిరిగి వస్తాడు.

ఇప్పుడు మేఘ ఏం చేస్తుంది? చివరికి ఎవరిని సెలెక్ట్ చేసుకుంటుంది?

నటీనటులు:

తన మీదే ప్రధానంగా నడిచే సినిమాలో మేఘ ఆకాష్ తన ప్రత్యేకతను చాటుకుంది. ఆమె తన పెర్ఫార్మన్స్ తో ఆకట్టుకుంటుంది. అదిత్ అరుణ్ ముగ్గురిలో ప్రత్యేకంగా అనిపిస్తాడు. ఎమోషనల్ సీన్స్ లో హైలైట్ పెర్ఫార్మన్స్ ఇచ్చాడు. అర్జున్ సోమయాజులు తన పాత్రకు న్యాయం చేసాడు. పవిత్ర లోకేష్ పర్వాలేదు. మిగతా నటీనటులు కూడా తమకు తగ్గ రీతిలో నటించారు,

సాంకేతిక నిపుణులు:

ఈ చిత్రంలో నిర్మాణ విలువలు ప్రధానంగా హైలైట్ అయ్యాయి. పాటలు చాలా బాగా షూట్ చేసారు. కాలేజ్ ఎపిసోడ్స్ ను డీల్ చేసిన విధానం బాగుంది. సంగీతం కూడా ఓకే. ఎడిటింగ్ ఇంకా షార్ప్ గా ఉండొచ్చు. ఇక స్క్రీన్ ప్లే విషయంలో దర్శకుడు మరింత పకడ్బందీగా ప్లాన్ చేసుకోవాల్సింది.

ప్లస్ పాయింట్స్:

• మేఘ ఆకాష్
• అదిత్ అరుణ్
• క్లైమాక్స్

మైనస్ పాయింట్స్:

• స్లో నరేషన్
• ఎమోషనల్ సీన్స్ సాగతీత

విశ్లేషణ:

మేఘ ఆకాష్ కథలో కొత్తగా చెప్పుకోవడానికంటూ ఏం లేదు. కానీ ఈ సినిమాను తీసిపారేయడానికి కూడా లేదు. కథానాయిక ప్రాధాన్యమున్న ప్రేమ కథ కావడంతో కొత్తగా అనిపిస్తుంది. అక్కడక్కడా మెప్పించే ఏ చిత్రాన్ని ఒక్కసారి చూడవచ్చు.

తెలుగుబులెటిన్ రేటింగ్: 2.75/5