కోవిడ్ మొదటి వేవ్ పుణ్యమా అని మెడికల్ మాఫియా చెలరేగిపోయింది.. కోవిడ్ రెండో వేవ్ దెబ్బకి మెడికల్ మాఫియా మరో లెవల్కి ఎదిగింది. ఇప్పుడు మూడో వేవ్ వస్తోందట. ఇంకేముంది.? మెడికల్ మాఫియా కనీ వినీ ఎరుగని రీతిలో జనాల్ని దోచేసేందుకు సర్వసన్నద్ధమవుతోంది.
అర్థ రూపాయి విలువ ఫేస్ మాస్కుల దగ్గర్నుంచి.. లక్షల విలువ చేసే ఇంజెక్షన్ల దాకా.. మెడికల్ మాఫియా దోపిడీ గురించి ఎంత చెప్పుకున్నా తక్కువే. ఈ మెడికల్ మాఫియాని ఉద్ధరించేందుకోసమే కోవిడ్ 19 పుట్టుకొచ్చిందా.? అంటే, ఔనని చెప్పక తప్పదేమో.
కోవిడ్ 19 దెబ్బకి చాలామంది వైద్యులూ ప్రాణాలు కోల్పోయిన మాట వాస్తవం. కానీ, మెడికల్ మాఫియాకి మానవత్వం లేదు. వుంటే అది మాఫియా ఎందుకు అవుతుంది.? పేషెంట్ల నుంచి లక్షల్లో గుంజెయ్యడమే కాదు, ఆస్తుల్ని రాయించేసుకున్న ఆసుపత్రులున్నాయి. వెయ్యి రూపాయల విలువ చేసే ఇంజెక్షన్ లేదా ట్యాబ్లెట్లని లక్ష రూపాయలకు అమ్మి సొమ్ము చేసుకున్న నర రూప రాక్షలుున్నారు ఈ మాఫియాలో.
కోవిడ్ సెకెండ్ వేవ్ తర్వాత ఓ ఫార్మా సంస్థపై ఐటీ సోదాలు జరిగితే, ఇంట్లో బట్టలు దాచుకునే ఇనుప బీరువాల్లో కూడా నోట్ల కట్టలు దొరికాయి. వందల కోట్ల ఆ సొమ్ముల లెక్కలు ఇప్పటికీ తేలలేదు. ఆక్సిజన్ సిలెండర్లు, రెమిడిసివిర్ ఇంజెక్షన్లు.. ఇలా చెప్పుకుంటూ పోతే, కోవిడ్ కంటే ఎక్కువగా ఇవే మనుషుల జీవితాల్ని నాశనం చేసేశాయని నిస్సందేహంగా చెప్పొచ్చు.
కోవిడ్ దెబ్బకి ప్రాణాలు కోల్పోయినవారు ఎంతమంది.? అన్న విషయాన్ని పక్కన పెడితే, ఆ కోవిడ్ వల్ల ఆర్థికంగా నష్టపోయి జీవచ్ఛవాలుగా బతుకులీడుస్తున్నవారు కోట్లాదిమంది కనిపిస్తారు. మీడియా, రాజకీయం, ఫార్మా.. ఈ మూడూ కలిస్తే, అదో పెద్ద మాఫియా.. అందుకు నిదర్శనమే కోవిడ్ వేవ్స్.
మొన్న ‘డెల్టా’ పేరుతో ఈ మాఫియా చెలరేగిపోయింది. ఇప్పుడు ఒమిక్రాన్ రూపంలో వస్తోంది. కోవిడ్ వల్ల చనిపోయేది కొంతమందే.. కానీ, ఈ మాఫియా వల్ల చచ్చిపోయేది, జీవచ్ఛవాలయ్యేది అంతకు మించి ఎన్నో రెట్లు. ఈ మాఫియా రోగానికి మందెక్కడ.?
245322 347260I like this website because so considerably beneficial stuff on here : D. 981517