కోవాగ్జిన్.. ప్రస్తుతానికి ఇదే తొలి వ్యాక్సిన్.. ఏకైక వ్యాక్సిన్ కూడా. కరోనా వైరస్పై పోరాటంలో భాగంగా భారత్ బయోటెక్ సంస్థ దీన్ని రూపొందించింది. దేశంలో కోవాగ్జిన్కి వున్నంత డిమాండ్ మరే ఇతర వ్యాక్సిన్కీ లేదన్నది నిర్వివాదాంశం. అయితే, ఆస్ట్రాజెనకా సంస్థ తయారు చేస్తోన్న కోవిషీల్డ్ (విదేశీ వ్యాక్సిన్.. స్వదేశీ తయారీ..) అత్యధికంగా అందుబాటులో వుంది. అదెలా సాధ్యం.? అంటే, ఒక్కో సంస్థకీ ఒక్కో తరహా ఏర్పాట్లుంటాయి వ్యాక్సిన్ తయారీ విషయంలో. అలా, సీరం సంస్థ వేగంగా కోవిషీల్డ్ వ్యాక్సిన్ పెద్దమొత్తంలో తయారు చేయగలగుతోంది.
కోవాగ్జిన్ కూడా తన సామర్థ్యాన్ని పెంచుకునేందుకు ప్రయత్నిస్తోంది. కాగా, కోవిషీల్డ్ వ్యాక్సిన్, వెయ్యి రూపాయల లోపు ధరకే లభిస్తోంది. కానీ, కోవాగ్జిన్ పరిస్థితి వేరు. దీని ధర 1400 పై మాటే. ఎందుకిలా.? ఇప్పుడీ అంశం చుట్టూ దేశవ్యాప్తంగా ఆసక్తికరమైన చర్చ జరుగుతోంది. నిన్ననే కేంద్రం, ఆయా వ్యాక్సిన్ల ధరల్ని అధికారికంగా ప్రకటించింది. ప్రకటించిన ధరలకంటే ఏమాత్రం అధికంగా వ్యాక్సిన్ కోసం వసూలు చేయకూడదు ప్రైవేటు ఆసుపత్రులు. ఈ లెక్కల్లో కూడా కోవాగ్జిన్ ధర టాప్ ప్లేస్లో వుంది. ఎందుకిలా.?
నిజానికి, స్వదేశీ వ్యాక్సిన్ గనుక.. మేక్ ఇన్ ఇండియా ప్రోగ్రామ్లో భాగంగా తయారైందని చెప్పుకుంటున్నాం గనుక.. ఈ వ్యాక్సిన్ చవకగా మారాలి. నిజానికి, బారత్ బయోటెక్ సంస్థ ప్రతినిథులు గతంలో మాట్లాడుతూ, వాటర్ బాటిల్ కంటే చవకగా వ్యాక్సిన్ దేశంలో అందుబాటులోకి వచ్చే అవకాశం వుందని ప్రకటించారు. కానీ, ఆ సంస్థ తయారు చేసిన వ్యాక్సిన్ ధర, మిగతా వ్యాక్సిన్ల కంటే చాలా ఎక్కువగా వుంది. ఎందుకిలా.? రష్యా నుంచి దిగుమతి చేసుకుంటోన్న స్పుత్నిక్ వ్యాక్సిన్ ధర కంటే కూడా కోవాగ్జిన్ ధర ఎక్కువ.
వ్యాక్సిన్ పని తీరు విషయానికి వస్తే, తొలి ప్లేస్ స్పుత్నిక్ సొంతం చేసుకోగా, రెండో స్థానం కోవిషీల్డ్కి దక్కుతోంది. మూడో స్థానానికి పరిమితమవ్వాల్సి వస్తోంది కోవాగ్జిన్. అంతర్జాతీయ గణాంకాలు తీసుకున్న ప్రపంచంలోనే నెంబర్ వన్ అనుకుంటోన్న ఫైజర్ వ్యాక్సిన్ ధర కంటే కోవాగ్జిన్ ధర ఎక్కువన్నది నిపుణుల వాదన.
ఇక్కడ రాజకీయాలు మాట్లడాటం సమంజసం కాదుగానీ, కోవాగ్జిన్ ధర ఎందుకు ఎక్కువన్నదానిపై కేంద్ర ప్రభుత్వం సరైన వివరణ ఇవ్వలేకపోవడం పలు అనుమానాలకు తావిస్తోంది.
176989 937795This internet site is actually a walk-through it genuinely may be the info you desired relating to this and didnt know who ought to. Glimpse here, and youll undoubtedly discover it. 663288