2009 ఎన్నికల సమయంలో తెలుగునాట ప్రజారాజ్యం పార్టీతో హల్‌చల్‌ చేశారు చిరంజీవి. అప్పట్లో చెప్పుకోదగ్గ స్థాయిలో ఓట్లు, సీట్లు దక్కించుకున్నా, ఎక్కువ కాలం ప్రజారాజ్యం పార్టీని నడపలేకపోయారు చిరంజీవి. కర్ణుడి చావుకి ఎన్ని కారణాలున్నాయోగానీ, ప్రజారాజ్యం పార్టీ కాలగర్భంలో కలిసిపోవడానికి మాత్రం చాలా కారణాలే వున్నాయి.
తాను సాధించలేనిది, తన తమ్ముడు పవన్ కళ్యాణ్‌ సాధిస్తాడన్న గట్టి నమ్మకం మాత్రం ఇప్పటికీ చిరంజీవిలో అలాగే వుంది. జనసేన పార్టీకి చిరంజీవి ఇప్పటిదాకా బాహాటంగా ఎలాంటి సహాయ సహకారాలు అందించలేదు. అయితే, తన సోదరుడి పట్ల తనకు పూర్తి నమ్మకం వుందని మాత్రం చిరంజీవి పదే పదే చెబుతున్నారు.
జనసేన ఆవిర్భవించాక రెండు ఎన్నికల్ని చూసింది. ఒక ఎన్నికల్లో అసలు జనసేన పోటీ చేయలేదు. ఇటీవలి ఎన్నికల్లో జనసేన రెండు తెలుగు రాష్ట్రాల్లో పోటీ చేసి, ఒకే ఒక్క ఎమ్మెల్యే సీటుని.. అదీ ఆంధ్రప్రదేశ్‌లో దక్కించుకుంది. ఆ ఎమ్మెల్యే కూడా అడపా దడపా అధికార పార్టీకి వత్తాసు పలుకుతున్నారు.
ఇప్పుడున్న రాజకీయ ట్రెండ్‌లో జనసేన నిలదొక్కుకోవడం సాధ్యమేనా.? అని చిరంజీవిని ప్రశ్నిస్తే, ‘పవన్‌కళ్యాణ్‌కి పట్టుదల ఎక్కువ. దేన్నీ అంత తేలిగ్గా తీసుకోడు. ఒక్కసారి సీరియస్‌గా తీసుకున్నాడంటే, ఆ తర్వాత అతని ఆలోచనలు ఇంకోలా వుంటాయి. ఖచ్చితంగా పవన్ అనుకున్న లక్ష్యాన్ని సాధిస్తాడు’ అని తాజాగా ఓ ఇంటర్వ్యూలో చిరంజీవి చెప్పారు.
18 మంది ఎమ్మెల్యేలను గెలిపించుకోగలిగి, చెప్పుకోదగ్గ ఓటు బ్యాంకు సాధించిన చిరంజీవే ప్రజారాజ్యం పార్టీని ఎక్కువ కాలం నడపలేకపోయిన దరిమిలా, ఒక్క ఎమ్మెల్యే సీటుతో జనసేనాని ఏం చేయగలరు.? పైగా, రెండు చోట్లా ఆయన ఓడిపోయారాయె.! ఇదే విషయాన్ని చిరంజీవి వద్ద ప్రస్తావిస్తే, పవన్ గురించి తనకు బాగా తెలుసనీ, ఖచ్చితంగా రాజకీయాల్లో పవన్ తాను అనుకున్న మార్పుని సాధిస్తాడనీ పునరుద్ఘాటించారు.
847565 300114Very best individuals messages are meant to charm allow honor toward groom and bride. Newbie speakers in front of excessive locations really should usually our own gold colored dominate in presenting and public speaking, which is to be individual interests home. best man speach 39399
184528 153273Our own chaga mushroom comes with a schokohutige, consistent, charcoal-like arrival, a complete lot of dissimilar towards the style of the regular mushroom. Chaga Tincture 346800