ప్రేక్షకులకు సినిమా నచ్చాలంటే రెండున్నర గంటలపాటు వారిని అలరించాలి. ముఖ్యంగా కథ, పాటలు, ఫైట్లు, కామెడీ అంశాలతో నటీనటులు తమ నటనతో మెప్పించాలి. ఇందుకు కామెడీ, సెంటిమెంట్, ప్రేమ, యాక్షన్, థ్రిల్లర్, గూఢచర్యం (స్పై), కౌబాయ్.. జానర్ల సినిమాలు చాలా ముఖ్యం. వీటిలో స్పై, కౌబాయ్ సినిమాల్లో ఏ హీరో అయినా చూపించే హీరోయిజం ప్రేక్షకులకు కిక్కు ఇస్తుంది. మెగాస్టార్ చిరంజీవి ఈ తరహాలో చేసిన సినిమాల్లో చేసిన తొలి సినిమాగా ‘గూఢచారి నెం.1’ అని చెప్పాలి. అప్పటికి పోలీస్ పాత్రల్లో నటించిన చిరంజీవి తొలిసారి సీబీఐ ఏజెంట్ గా నటించారు. చిరంజీవి స్టైల్, డైలాగ్ డెలివరీ, మేకోవర్ ప్రేక్షకులకు విపరీతంగా నచ్చింది.
సరికొత్త ఇమేజ్ తో..
ఆయుధాలు, బాంబులు అక్రమంగా తయారు చేసే సంఘ విద్రోహశక్తుల ఆట కట్టించే స్పెషల్ ఏజెంట్ పాత్రలో చిరంజీవి మెప్పించారు. అప్పటికే యాక్షన్ సినిమాల్లో హీరోగా చిరంజీవికి ఇమేజ్ ఉంది. డ్యాన్సుల్లో చిరంజీవి చూపించే వేగం, వైవిధ్యం, రియల్ ఫైట్స్ అప్పటికే ప్రేక్షకులను మెప్పించాయి. చిరంజీవితో పలు సినిమాలు చేసిన దర్శకుడు కోడి రామకృష్ణ ఆయనతో తొలిసారి గూఢచర్యం కథతో సినిమా తెరకెక్కించారు. ముందు ఏజెంట్ విలన్ల చేతిలో చనిపోతే.. ఆ స్థానంలో వచ్చిన హీరో విలన్లను మట్టుపెడతాడు. కంటెంట్ అప్పటికే బ్లాక్ అండ్ వైట్ సినిమాల్లో ఎక్కువే వచ్చాయి. అయితే.. చిరంజీవి జనరేషన్ లో కొత్తగా, స్క్రీన్ ప్లే, హీరో ఎలివేషన్, స్క్రీన్ ప్రెసెన్స్.. వంటి అంశాల్లో మార్పులు ప్రేక్షకులకు నచ్చింది.
చిరంజీవి స్టైలే స్పెషల్..
సినిమా స్క్రీన్ ప్లేలో దర్శకుడు ప్రత్యేక శ్రద్ధ తీసుకున్నారు. హీరో క్యారెక్టరైజేషన్ ను డిఫరెంట్ గా ప్రజెంట్ చేశారు. చిరంజీవి బాడీ లాంగ్వేజ్ కు తగ్గట్టుగా ఆయన డ్రెస్సింగ్, మేకప్, స్టయిల్ నిజమైన స్పై గా మెప్పించారు. జేమ్స్ బాండ్ తరహాలో ఓ గర్ల్ ఫ్రెండ్, అంతర్లీనంగా చిన్న లవ్ స్టోరీ ప్రేక్షకులకు ఉత్సాహం నింపాయి. విలన్ గ్యాంగ్ పై చిరంజీవి వేసే సెటైర్లు, మారు వేషాల్లో వారి నుంచి సమాచారం రాబట్టడం వంటి సన్నివేశాల్లో చిరంజీవిని కాకుండా ఆ పాత్రను చూసేలా చిరంజీవి నటించి మెప్పించారు. అప్పటివరకూ చిరంజీవిని లవర్ బాయ్, విలన్, హీరోగా చూసిన ప్రేక్షకులకు చిరంజీవి కొత్త ఫీల్ ఇచ్చారు. పాత గూఢచారి సినిమాలకు.. చిరంజీవి చేసిన సినిమాకు తేడా ఉండటంతో సినిమా సూపర్ హిట్ అయింది.
హిట్ కాంబినేషన్..
చిరంజీవితో పలు సూపర్ హిట్ మూవీస్ తీసిన నిర్మాత టి.త్రివిక్రమరావు తమ విజయలక్ష్మీ ఆర్ట్ మూవీస్ బ్యానర్ పై తొలిసారిగా గూఢచారి నెం.1 సినిమా తీశారు. 1983 జూన్ 30న విడుదలైన సినిమా బాక్సాఫీస్ వద్ద ఘన విజయం సాధించింది. అప్పటికే హిట్ పెయిర్ గా పేరున్న రాధిక హీరోయిన్ గా నటించడంతో వారిద్దరిపై ప్రేక్షకులు పెట్టుకున్న అంచనాలు నిజమయ్యాయి. యాక్షన్ హీరోగా పేరు తెచ్చుకున్న చిరంజీవికి రౌడీలతో సోలో ఫైట్స్ ప్రేక్షకాభిమానులను అలరించాయి. దీంతో చిరంజీవి కెరీర్లో మరో హిట్ గా నిలిచింది. సినిమా విజయానికి ప్రధాన బలం చిరంజీవి తన మార్కు స్పెషలైజేషన్ తో ఆకట్టుకోవడమే.
170273 443446Somebody necessarily aid to make seriously articles I might state. That is the extremely initial time I frequented your web page and to this point? I surprised with the research you produced to make this actual put up remarkable. Great task! 285618
463887 134305This web-site can be a walk-through rather than the data you wished about it and didnt know who ought to. Glimpse here, and youll surely discover it. 289109