తెలుగు సినిమాల్లో నటుడిగా స్థిరపడాలని వచ్చి అగ్ర నటుడిగా ఎదగాలనే లక్ష్యాన్ని నిర్దేశించుకోవడం వెనుక చిరంజీవి ఎదురైన పరిస్థితులు కూడా ఓ కారణం. సోదరుడు నాగబాబు మాటల్లో.. ఫంక్షన్లో కుర్చీలో కూర్చున్న చిరంజీవిని అప్పటికే స్థిరపడిన ఓ నటుడు నుంచి ఎదురైన అనుభవం. అప్పుడే.. నటుడిగా కాదు.. అగ్రహీరోగానే ఎదగాలని చిరంజీవి నిర్దేశించుకున్నారని చెప్పారు. చెన్నైలో జోరు వానలో ఓ హీరో కటౌట్ కింద నిలబడి ఇలా నేనూ కటౌట్లు కట్టించుకునే స్థాయికి వెళ్లాలని అనుకోవడం. ఆ సంఘటనలే చిరంజీవి ఎదుగుదలకు మెట్లు అయ్యాయి. వచ్చిన ప్రతి అవకాశాన్ని అందిపుచ్చుకుని పరిశ్రమ దృష్టిని ఆకర్షించారు. ఆ కోవలో చేసినవే విలన్ పాత్రలు.
విలనిజం, శాడిజం..
కెరీర్ తొలినాళ్లలో చిరంజీవి నలుగురిలో ఒకరిగా సినిమాలు చేశారు. ప్రధాన పాత్రలో నటించినవీ ఉన్నాయి. అయితే.. చిరంజీవికి బాగా గుర్తింపు తెచ్చినవి మాత్రం విలన్ పాత్రలే. తాయారమ్మ బంగారయ్య, కుక్క కాటుకు చెప్పు దెబ్బ, మోసగాడు, ఇది కథ కాదు, కొత్త అల్లుడు, పున్నమి నాగు, 47 రోజులు, న్యాయం కావాలి, రాణి కాసుల రంగమ్మ.. సినిమాల్లో విలన్ పాత్రలు పోషించారు. అప్పటికే ప్రాణం ఖరీదు, మనవూరి పాండవులు, పునాదిరాళ్లు వంటి అనేక సినిమాల్లో హీరో పాత్రలు చేసినా.. ఈ కుర్రాడు విలన్ పాత్రల్లో కూడా బాగా రాణిస్తున్నాడు అనేలా చేశాయి. దీంతో హీరో పాత్రలు చేస్తూనే విలనిజం ఛాయలున్న పాత్రలు చేశారు చిరంజీవి.
మహిళా ప్రేక్షకులే తిట్టుకునేలా..
ప్రేమ పేరుతో మోసం చేయడం, అమ్మాయి ప్రాధేయపడినా తనలోని క్రూరత్వం చూపడం, హీరోయిన్ ను చెరబట్టడం, పెళ్లి చేసుకున్న భార్యను విదేశాలకు తీసుకెళ్లి హింసించడం, భార్యను హింసించి చంపడం.. వంటి క్రూరమైన పాత్రల్లో చిరంజీవి నటించారు. విలన్ గా చేస్తే వాటికే పరిమితం అయిపోతానని ఆయన భావించలేదు. కారణం.. తనలో ఇదే కాకుండా హీరో మెటీరియల్ ఉంది.. తాను మెప్పించగలననే నమ్మకమే ఆయన్ను ముందుకు నడిపించింది. అందుకే.. విలనిజం ఉన్న పాత్రల్లో ఎంత వైవిధ్యం చూపారో.. హీరోగా చేసిన సినిమాల్లో.. ‘విలన్ గా చేసిన ఆ చిరంజీవేనా’ అనిపించేలా చేశారు. విలన్ గా చిరంజీవిని తిట్టుకున్న ప్రేక్షకులే ఆయన హీరోగా చేసే సినిమా కోసం పరితపించేలా చేశారు. హీరోల చేతుల్లో తన్నులు తినే పాత్రలు కాకుండా.. ఏకంగా మహిళా ప్రేక్షకులు తిట్టుకునే పాత్రలే చేసి మెప్పించారు.
చిరంజీవి నట విశ్వరూపం..
న్యాయం కావాలిలో రాధికను ప్రేమించి, మోసం చేసి వేరొకరిని పెళ్లి చేసుకునే పాత్రలో నటించారు చిరంజీవి. రాధిక తన న్యాయపోరాటంలో చిరంజీవిని దోషిగా నిలబెడుతుంది. సినిమాలో ప్రేమికుడిగా, మోసగాడిగా, దోషిగా విభిన్న పార్శ్వాల్లో చిరంజీవి నటించారు. కేసులో ఓడినా పురుషాహంకారం చూపే చిరంజీవి (పాత్ర)ని నాడు తిట్టుకోని మహిళా ప్రేక్షకులు లేరు. తాయారమ్మ-బంగారయ్య క్లైమాక్స్ లో కేవలం రెండు నిమిషాల పాత్రలో చిరంజీవి చూపించే క్రూరత్వం ఆయనలోని ప్రతిభకు నిదర్శనం. మోసగాడులో శ్రీదేవిని చెరబట్టే సన్నివేశమైనా, 47 రోజుల్లో జయప్రదపై శాడిజం చూపిన పాత్రలోనైనా ఆయన నటన అద్భుతం. అవే చిరంజీవిని పరిశ్రమకు దగ్గరి వాడిని చేసాయి. ఆక్రమంలో వచ్చిన హీరో పాత్రలు చిరంజీవి నట విశ్వరూపం చూపేందుకు బాటలు పరిచాయి.
941206 593115Thank you a great deal for giving everybody an extraordinarily particular possiblity to check tips from here. 43398
304567 481420I truly appreciated this gorgeous blog. Make positive you keep up the great work. Finest Regards . 758472
257219 522153Quite efficiently written story. It will likely be helpful to anybody who employess it, including me. Maintain up the great work – canr wait to read more posts. 778294
67627 315995Im not sure exactly why but this internet website is loading incredibly slow for me. Is anyone else having this issue or is it a dilemma on my end? Ill check back later and see if the problem nonetheless exists. 21870