ఆయనో ఎన్ సైక్లోపీడియా.. ఆయనతో పనిచేయడం నా అదృష్టం: చిరంజీవి

కళాతపస్వి కె.విశ్వనాధ్ ఇకలేరనే వార్త జీర్ణించుకోలేకపోతున్నట్టు చిరంజీవి దిగ్భ్రాంతి వ్యక్తం చేశారు. విశ్వనాధ్ భౌతికకాయాన్ని చిరంజీవి సందర్శించి నివాళులు అర్పించారు. ఈ సందర్భంగా ఆయన మాట్లాడుతూ.. ఆయన గొప్పదనం చెప్పేందుకు తన స్థాయి సరిపోదని ఈ సందర్భంగా అన్నారు. ఒక మహోన్నత వ్యక్తి, దిగ్దర్శకుడితో పని చేయడం తన అదృష్టమని అన్నారు. తెలుగు సినిమాకి ప్రపంచస్థాయి గుర్తింపు తీసుకొచ్చిన వ్యక్తి కె.విశ్వనాధ్ అని అన్నారు.

నటనపట్ల నేను మెళుకువలు, అవగాహన పెంచుకోవడానికి కె.విశ్వనాధ్ దోహదపడ్డారు. తనలాంటి నటులకు ఆయన ఒక ఎన్ సైక్లోపీడియా అని అన్నారు. వృత్తిపరంగా గురుతుల్యులు, వ్యక్తిపరంగా పితృసమానులు అని అన్నారు. ఆయన నాకు కలవడం దైవేచ్ఛ అని అన్నారు. శంకరాభరణం విడుదలైన రోజునే విశ్వనాధ్ శివైక్యం పొందారని అన్నారు. సున్నితమైన అంశాలను సహజత్వానికి దగ్గరగా సినిమాలు తెరకెక్కించి పండిత, పామరులను మెప్పించిన ఘనత విశ్వనాధ్ సొంతమని అన్నారు. దర్శకుడి రూపంలో విశ్వనాధ్ తెలుగు చిత్ర పరిశ్రమకు లభించడం తెలుగు సినిమా, తెలుగు ప్రేక్షకుల అదృష్టమని భావోద్వేగానికి గురయ్యారు.