తెలుగుదేశం పార్టీ అధినేత, మాజీ ముఖ్యమంత్రి నారా చంద్రబాబునాయుడు రాజకీయ ఘనతల గురించి ప్రచారం చేసుకోవడానికి ఓ వేదికగా ‘ఆహా’ ఓటీటీని వాడుకున్నట్లు అనిపిస్తోంది. సినీ నటుడు, తెలుగుదేశం పార్టీ ఎమ్మెల్యే నందమూరి బాలకృష్ణ నిర్వహిస్తోన్న ‘అన్స్టాపబుల్ టాక్ షో’ రెండో సీజన్, ఎక్కువగా రాజకీయ పరమమైన అంశాల గురించి, అందునా చంద్రబాబుకి ఎలివేషన్ ఇచ్చేందుకోసమే అన్నట్లుగా తయారైంది.
ఎన్టీయార్ హెల్త్ యూనివర్సిటీ పేరు మార్పు, సైబరాబాద్ నిర్మాణం.. ఇలాంటి అంశాలపై తెలుగు ప్రజలకు ‘పచ్చ సంకేతం’ ఇచ్చే దిశగానే టాక్ షో నడవడం గమనార్హం. ‘ఇండియాలో రాజకీయంగా టాలెస్ట్ లీడర్స్లో ఒకరు చంద్రబాబు..’ అంటూ ఎంట్రీలోనే నందమూరి బాలకృష్ణ తన బావ, తమ పార్టీ అధినేతకు ఎలివేషన్స్ ఇచ్చేసుకున్నారు.
చంద్రబాబు యుక్త వయసులో వున్నప్పుడు చేసిన చిలిపి చేష్టలు, నారా లోకేష్ స్టూడెంట్గా వున్నప్పుడు అమ్మాయిలతో పార్టీ చేసుకోవడం.. ఇలాంటి అంశాలూ చర్చకు వచ్చాయ్. ‘మీరు సినిమాల్లో చేస్తారు, నేను నిజ జీవితంలోనే యువకుడిగా వున్నప్పుడు చేశాను..’ అని చంద్రబాబు తనలోని రొమాంటిక్ యాంగిల్ని బయటపెట్టారు.
ఆద్యంతం ‘బావా.. బావా..’ అంటూ బాలకృష్ణ, చంద్రబాబుని సంబోదించడం గమనార్హం. బావని బావ.. అనే పిలవాలి మరి.! అల్లుడి విషయంలోనూ బాలయ్య ఒకింత ముచ్చటగా ప్రశ్నలు సంధించి, అంతకంటే ముచ్చటైన సమాధానాల్ని రాబట్టుకున్నారు. స్వర్గీయ ఎన్టీయార్ గురించి పొగడ్తలు.. అవన్నీ మామూలే.
ఇక, ఈ షో మొత్తానికీ హైలైట్ విషయమేంటంటే, స్వర్గీయ ఎన్టీయార్ని చంద్రబాబు వెన్నుపోటు పొడిచారన్న వ్యవహారంపై, ‘అది తప్పా.?’ అని చంద్రబాబు అడగడం, ‘తప్పు కాదు’ అని బాలకృష్ణ చెప్పడం.! ఒకటికి రెండు సార్లు అడిగారు చంద్రబాబు ‘అది తప్పా.?’ అని. మొదట ‘ఔను’ అని చెప్పకుండా బాలకృష్ణ, వేరే టాపిక్లోకి వెళితే, చంద్రబాబు కల్పించుకుని మళ్ళీ, ఆ ‘వెన్నుపోటు టాపిక్’ తీసుకొచ్చారు.
‘ఆరోజు కాళ్ళు పట్టుకుని బతిమాలాను. రెండున్నర గంటలు ఆయనతో మాట్లాడి ఒప్పించేందుకు ప్రయత్నించి విఫలమయ్యాను. ఆయన రాముడు, నేను హనుమంతుడిని. రాముడు కావాలా.. రాముడు చూపిన బాటలో నడవాలా.? అన్న సందిగ్ధం వచ్చినప్పుడు రాముడు చూపిన బాటనే ఎంచుకున్నాను..’ అని చంద్రబాబు చెప్పడం కొసమెరుపు.
ఎన్టీయార్, వాజపేయి లాంటి మేటి రాజకీయ నాయకుల సరసన తన పేరుని చేర్చుకున్న చంద్రబాబు, పనిలో పనిగా నరేంద్ర మోడీ పేరుని కూడా ప్రస్తావించడం గమనార్హం.
414044 51685I like this website so considerably, saved to favorites . 243306
142722 240906I observe there is lots of spam on this weblog. Do you require assist cleaning them up? I may well assist among classes! 249818
276533 160525Hi. Cool write-up. Theres an concern along with your internet site in firefox, and you might want to check this The browser could be the market chief and a very good section of individuals will pass over your excellent writing because of this dilemma. 742544