చిన్నారులకు కరోనా కోవాగ్జిన్‌ కు కేంద్రం అనుమతి

దేశంలో కరోనా కేసులు చాలా వరకు తగ్గుముఖం పట్టాయి. అత్యధికంగా కేసులు నమోదు అయిన సమయంలో పిల్లల పరిస్థితిపై చాలా మంది ఆందోళన వ్యక్తం చేశారు. అందరు కూడా పిల్లల విషయమై ఆందోళన వ్యక్తం చేసిన సమయంలో అదృష్టం కొద్ది వారిపై ఎక్కువ ప్రభావం లేదు. అయితే తదుపరి వేరియంట్‌ లు కొత్త వేరియంట్‌ లు పిల్లలకు ప్రమాదంను కలిగించే అవకాశాలు ఉన్నాయంటూ వార్తలు వచ్చాయి. దాంతో చాలా మంది పిల్లల వ్యాక్సిన్ కోసం వెయిట్‌ చేశారు.

ఎట్టకేలకు కేంద్ర ప్రభుత్వం పిల్లలకు కోగాగ్జిన్‌ ను అత్యవసర వినియోగంకు ఉపయోగించవచ్చు అంటూ అనుమతులు ఇచ్చింది. రెండు నుండి 18 ఏళ్ల వయసు పిల్లలకు కోవాగ్జిన్ ఇచ్చేందుకు గాను కేంద్రం గ్రీన్ సిగ్నల్ ఇచ్చింది. దాంతో పిల్లల్లో వ్యాక్సినేషన్‌ ఇచ్చేందుకు రంగం సిద్దం అయ్యింది. వచ్చే ఏడాది జూన్ వరకు పిల్లలకు మెజార్టీ భాగం వ్యాక్సిన్ ఇవ్వాలని కేంద్రం భావిస్తోంది. అయితే కేసులు తక్కువ ఉన్న ఈ సమయంలో పిల్లలకు వ్యాక్సిన్‌ అవసరం లేదు అనేది తల్లిదండ్రుల వాదన. వ్యాక్సిన్ పెద్ద వారికే సీరియస్ అవుతోంది. పిల్లలకు కాస్త ఆందోళన కలిగించే విషయంగా వారు భావిస్తున్నారు. మొత్తానికి కోవాగ్జిన్ పిల్లలకు కూడా తమ వ్యాక్సిన్ వేసేందుకు అనుమతులు అయితే తీసుకుంది.