భూమిలోకి కూరుకుపోయిన కారు..

భారీ వర్షాలు, వరదలు వచ్చినప్పుడు కార్లు కొట్టుకుపోవడం చూస్తుంటాం. కానీ పార్కింగ్ చేసి ఉంచిన కారు.. ఉన్నచోటే అలాగే భూమిలో కూరుకుపోవడం ఎప్పుడైనా చూశారా? ఈ ఘటన ముంబైలోని ఘట్కోపర్ లో చోటుచేసుకుంది. భూమి నోరు తెరిచి కారును మింగేసినట్టుగా అది కనిపించింది. ఘట్కోపర్ లో మూడు కార్లు పార్క్ చేసి ఉన్నాయి. భారీ వర్షాల కారణంగానో, మరేదైనా కారణం వల్లనో అక్కడ అకస్మాత్తుగా పెద్ద గొయ్యి ఏర్పడింది. దీంతో దానిపై ఉన్న కారు చూస్తుండగానే అందులోకి జారిపోయి పూర్తిగా మునిగిపోయింది. అయితే, ఈ కారుకు అటూ, ఇటూ ఉన్న రెండు కార్లు మాత్రం సురక్షితంగా అలాగే ఉన్నాయి. అయితే, మునిగిపోయిన కారులో ఎవరూ లేకపోవడంతో ప్రాణనష్టం తప్పింది. ఆదివారం జరిగిన ఈ సంఘటన తాలూకు వీడియో సామాజిక మాధ్యమంలో వైరల్ గా మారింది.