సినిమా ప్రపంచంలో రాత్రికి రాత్రి ఏమన్నా జరగొచ్చు ఒక్క హిట్ కొత్త డైరెక్టర్ లేదా హీరోని స్టార్ ని చేయచ్చు. అలాగే ఒక్క ప్లాప్ ఎంత స్టార్ డైరెక్టర్ ని అయినా కింద పడేయచ్చు. ఇదంతా ఇప్పుడు ఎందుకు అంటే.. మాస్ ఎంటర్టైనర్ సినిమా స్పెషలిస్ట్ అయిన బోయపాటి శ్రీనుకి ఈ ఏడాది వచ్చిన ‘వినయ విధేయ రామ’ పెద్ద షాక్ ఇచ్చింది. అలాగే ఇక అయన మూస పద్దతి సినిమాలు చూడము అని అభిమానులు తిప్పి కొట్టారు. దాంతో పూర్తిగా చతికిల బడిపోవడమే కాకుండా అనుకున్న అన్ని ప్రాజెక్ట్స్ ఆగిపోయాయి.
అలాగే రెండు బ్లాక్ బస్టర్స్ ఇచ్చిన నందమూరి బాలకృష్ణ గ్రీన్ సిగ్నల్ రావడానికి కూడా సుమారు 8 నెలల సమయం పట్టింది. ఫైనల్ గా ఆ సినిమాని డిసెంబర్ లో లాంచ్ చేసి జనవరి నుంచి సెట్స్ పైకి తీసుకెళ్లడానికి సిద్ధంగా ఉన్నారు. ఇదిలా ఉండగా ఈ సినిమా విషయంలో బోయపాటి శ్రీనుకి చాలా కండిషన్స్ పెడుతున్నారు. ముఖ్యంగా బడ్జెట్ విషయంలో.. ఎందుకంటే బోయపాటి సినిమాలు బాగుంటాయి కానీ చాలా వరకూ ఆయన హీరో మార్కెట్ కంటే ఎక్కువగా బడ్జెట్స్ పెట్టించేస్తాడు. సినిమా హిట్ టాక్ వచ్చినా లాభాలు మాత్రం రావు. అలాగే గ్రాండ్ విజువల్స్ అంటూ చాలా మంది స్టార్ నటీనటుల్ని తీసుకొచ్చి సినిమాలో పెట్టడం లాంటివి చేస్తుంటారు.
ప్రస్తుతం నందమూరి బాలకృష్ణ మరియు బోయపాటి ఇద్దరూ ఫ్లాప్స్ లో ఉన్నారు, సో అనవసరపు ఖర్చులు, ఎక్కువ బడ్జెట్ లేకుండా సినిమాని అనుకున్న బడ్జెట్ లో ఫినిష్ చేయాలని బాలయ్య అండ్ ప్రొడక్షన్ టీం పెట్టిన స్ట్రిక్ట్ కండిషన్స్ మధ్య బోయపాటి బాలయ్య సినిమాని చేస్తున్నారు. మరి హిట్ లేకపోతే ఎఫెక్ట్ ఎలా ఉంటాడో ఇప్పటికే రియలైజ్ అయిన బోయపాటి శ్రీను ఇకనైనా జాగ్రత్తగా బాలయ్య సినిమా తీసి వీరి కాంబినషన్ లో మూడో హిట్ ని నమోదు చేస్తారేమో చూడాలి.
802229 390324The Twitter application page will open. This really is excellent if youve got several thousand followers, but as you get more and a lot more the usefulness of this tool is downgraded. 148808