Solo Boy: బిగ్ బాస్-7 కంటెస్టెంట్ గౌతమ్ కృష్ణ హీరోగా తెరకెక్కుతున్న సినిమా ‘సోలో బాయ్’ (Solo Boy). ఈరోజు హీరో గౌతమ్ కృష్ణ (Gautham Krishna) పుట్టినరోజు వేడుకల్ని టీమ్ సెట్లో ఘనంగా నిర్వహించారు. అనంతరం చిత్ర విశేషాలు పంచుకున్నారు.
హీరో గౌతమ్ కృష్ణ.. కొత్త డైరెక్టర్ కథని సింగిల్ సిట్టింగ్లో ఓకే చేసిన నిర్మాత సెవెన్ హిల్స్ సతీష్ కుమార్ గారికి ధన్యవాదాలు. టీమ్ అంతా కష్పపడి పని చేసారు. బడ్జెట్ విషయంలో కాంప్రమైజ్ కాకుండా మంచి కంటెంట్ తీసుకొస్తున్నాం. ఇప్పటికే ఫస్ట్ లుక్ పోస్టర్ విడుదల చేశాం. త్వరలో టీజర్, ట్రైలర్, పాటలు విడుదల చేస్తా’మని అన్నారు.
దర్శకుడు నవీన్ కుమార్.. ‘సోలో బాయ్ మంచి సినిమా. పాటలు, ఫైట్స్, ఎమోషనల్ సీన్స్ అన్నింటిలోనూ తనదైన శైలితో నటించాడు గౌతమ్ కృష్ణ. సినిమా మంచి సక్సెస్ అవ్వాలని మనస్పూర్తిగా కోరుకుంటున్నాన’ని అన్నారు.
నిర్మాత సతీష్ కుమార్.. ‘డైరెక్టర్ చెప్పిన కథ బాగా నచ్చింది. కచ్చితంగా మంచి సినిమా అవుతుంద’ని అన్నారు. సినిమాలో పోసాని కృష్ణ మురళి, అనితా చౌదరి, షఫీ తదితరులు ముఖ్యపాత్రల్లో నటిస్తున్నారు.