మెగాస్టార్ చిరంజీవి నటించిన లేటెస్ట్ మూవీ భోళా శంకర్. మెహెర్ రమేష్ దర్శకత్వంలో రూపొందిన ఈ చిత్రం ఈరోజే విడుదలైంది. మరి ఈ సినిమా ఎలా ఉందో చూద్దామా.
కథ:
రాష్ట్రంలో అమ్మాయిలు మిస్ అవుతున్న సమయంలో శంకర్ (చిరంజీవి) తన చెల్లెలు మహా (కీర్తి సురేష్)తో కలిసి కోల్కతా కు వస్తాడు. తన జీవితం సాఫీగా సాగుతున్న సమయంలో ఒక కిడ్నప్ కేసులో సాక్షిగా మారతాడు శంకర్.
అయితే భోళా శంకర్ కు కోల్కతా రావడం వెనుక పెద్ద కారణమే ఉంది. ఇంతకీ శంకర్ కు ఉన్న ఆ కారణం ఏంటి? తన చెల్లెలు ఈ విషయంలో ఎలా ఇన్వాల్వ్ అయింది? భోళా శంకర్ చివరికి ఏం చేసాడు అన్నది ఈ చిత్ర కథ.
నటీనటులు:
మెగాస్టార్ చిరంజీవికి మరోసారి అన్ని ఎమోషన్స్ పండించగల పాత్ర దొరికింది. సినిమా మొత్తాన్ని తన భుజాలపై మోసాడని చెప్పవచ్చు. కామెడీ సీన్స్ లో చిరంజీవి టైమింగ్ కు ఫిదా అవ్వకుండా ఉండలేరు. ఇక ఎమోషనల్ సీన్స్ లో చిరు పెర్ఫార్మన్స్ గురించి కొత్తగా చెప్పేదేముంది. అదరగొట్టేసాడు. మొత్తానికి భోళా శంకర్ లో చిరంజీవి ఆడియన్స్ ప్రేమించే విధంగా కనపడతాడు.
ఇక పెర్ఫార్మన్స్ పరంగా తర్వాత నిలిచేది కీర్తి సురేష్ పాత్ర. తాను ఎంత మంచి నటి అన్నది ఈ చిత్రం ద్వారా మరోసారి నిరూపించింది. ఎమోషనల్ పెర్ఫార్మన్స్ తో అందరినీ కంటతడి పెట్టించే పెర్ఫార్మన్స్ ఇచ్చింది. తమన్నాకు చెప్పుకోదగ్గ పాత్ర దక్కలేదు కానీ ఉన్నంతలో బాగానే చేసింది. సుశాంత్ ది కూడా చిన్న పాత్రే. మిగతా సపోర్టింగ్ నటీనటులు పర్వాలేదు.
సాంకేతిక నిపుణులు:
తమిళ చిత్రం వేదాళంలోని పాజిటివ్ అంశాలను చక్కగా ప్రోజెక్ట్ చేసాడు దర్శకుడు మెహర్ రమేష్. అయితే అంతకు మించి చిరంజీవిని ది బెస్ట్ గా చూపించాడు. మెగా ఫ్యాన్స్ చిరు స్వాగ్ చూసి స్టన్ అవ్వడం ఖాయం. ఇక కీర్తి, చిరుల మధ్య ఎమోషనల్ బాండింగ్ ను కూడా చక్కగా చూపించగలిగాడు. ఫస్ట్ హాఫ్ కొంచెం ల్యాగ్ అనిపించినా, సెకండ్ హాఫ్ లో కథనం ఉరకలు పెడుతుంది. చిరంజీవి పవన్ కళ్యాణ్ ను ఇమిటేట్ చేయడం, ఖుషి ఐకానిక్ సీన్ ను రీక్రియేట్ చేయడం కూడా బాగానే వర్కౌట్ అయ్యాయి.
మహతి స్వర సాగర్ అందించిన బ్యాక్ గ్రౌండ్ స్కోర్ బాగుంది. సినిమాటోగ్రఫీ కూడా అంతే. నిర్మాణ విలువలు అద్భుతంగా ఉన్నాయి. ఎడిటింగ్ పర్వాలేదు.
ప్లస్ పాయింట్స్:
- చిరంజీవి పెర్ఫార్మన్స్ ఇంకా స్వాగ్
- కీర్తి సురేష్ ఎమోషనల్ పెర్ఫార్మన్స్
- బ్యాక్ గ్రౌండ్ స్కోర్
మైనస్ పాయింట్స్:
- అవుట్ డేటెడ్ స్టోరీ, ట్రీట్మెంట్
- ఫస్ట్ హాఫ్ లో కామెడీ సీన్స్
విశ్లేషణ:
మొత్తానికి భోళా శంకర్ లో కొన్ని లోపాలు ఉన్నా కానీ చిరంజీవిని ప్రెజంట్ చేసిన విధానంలోనే పాస్ మార్కులు వేయించేసుకుంది. ముఖ్యంగా ఫ్యాన్స్ కు ఈ చిత్రంలో చాలానే మూమెంట్స్ ఉన్నాయి.
తెలుగు బులెటిన్ రేటింగ్: 2.75/5