బాలయ్యతో సినిమా.. కన్ఫర్మ్ చేసిన దర్శకుడు ?

ప్రముఖ నటుడు నందమూరి బాలకృష్ణ హీరోగా తన నెక్స్ట్ సినిమా ఉంటుందని, అదికూడా త్వరలోనే మొదలవుతున్నట్టు ప్రముఖ దర్శకుడు బోయపాటి శ్రీను తెలిపాడు. ఈ రోజు కుటుంబ సమేతంగా తిరుమల శ్రీవారిని దర్శించుకున్న అయన ఈ సందర్బంగా మీడియాతో మాట్లాడుతూ ఈ విషయాన్నీ కన్ఫర్మ్ చేసాడు. బోయపాటి శ్రీను కుటుంభం విఐపి ప్రారంభ దర్శన సమయంలో స్వామివారి సేవలో పాల్గొన్న ఆయనకు ఆలయ అధికారులు తీర్ధ ప్రసాదాలు అందించారు.

బాలయ్యతో తాను తెరకెక్కించే సినిమాకు సంబందించిన స్క్రిప్ట్ వర్క్ కూడా జరుగుతున్నట్టు తెలిపారు. బాలయ్య – బోయపాటి ల కాంబినేషన్ లో వచ్చిన సింహా, లెజెండ్ చిత్రాలు సంచలన విజయం అందుకోవడంతో పాటు బాలయ్య కెరీర్ లో ప్రత్యేక చిత్రాలుగా నిలిచాయి. అలాంటి క్రేజీ కాంబినేషన్ లో వస్తున్న ఈ హ్యాట్రిక్ సినిమా పై అంచనాలు కూడా ఓ రేంజ్ లో ఉన్నాయి. మాస్ చిత్రాల దర్శకుడిగా ఇమేజ్ తెచ్చుకున్న బోయపాటి శ్రీను తాజాగా తీసిన వినయ విధేయ రామ భారీ పరాజయం పాలవడంతో ఆయనకు బాలయ్య నెక్స్ట్ ఛాన్స్ ఇస్తాడా అన్న అనుమానాలు ఉండేవి. కానీ అలాంటివి ఏమి లేవని బోయపాటి ప్రకటనతో అర్థం అవుతుంది.

మరి వీరిద్దరి కాంబినేషన్ లో తెరకెక్కే సినిమా పొలిటికల్ నేపథ్యంలో ఉంటుందంటూ ప్రచారం జరుగుతుంది. అయితే ఎలాంటి కథ ఉండబోతుంది అన్న విషయం పై బోయపాటి ఎలాంటి క్లారిటీ ఇవ్వలేదు. త్వరలోనే ప్రీ ప్రొడక్షన్ కార్యక్రమాలు కూడా పూర్తీ చేసి మే మొదటి వారంలో సెట్స్ పైకి వచ్చే అవకాశాలు కనిపిస్తున్నాయి. ఇక నందమూరి బాలకృష్ణ కూడా జై సింహ తరువాత అన్న నందమూరి తారకరామారావు బయోపిక్ గా ఎన్టీఆర్ కథానాయకుడు, ఎన్టీఆర్ మహానాయకుడు తో ప్రేక్షకుల ముందుకు వచ్చాడు. ఆ చిత్రాలు ఆశించిన స్థాయిలో సక్సెస్ కాకపోవడంతో అయన కాస్త నిరాశలో ఉన్నాడు. మళ్ళీ నందమూరి అభిమానులకు కొత్త ఉత్సహం రావాలంటే బోయపాటి శ్రీనుతో సినిమా అవసరమే !! ఈ కాంబినేషన్ కోసం అందరు ఆసక్తిగా ఎదురు చూస్తున్నారు. సో త్వరలోనే అధికారిక ప్రకటన ఉంటుందని చెప్పాడు బోయపాటి.