గత కొద్దిరోజులుగా తెలుగు సినీ పరిశ్రమలో కొన్ని వివాదాలు జరుగుతున్నాయి. ఈ వివాదం నందమూరి బాలకృష్ణ ‘సినీ వర్గ మీటింగ్స్ కి నన్ను పిలవలేదు’ అంటూ చేసిన కామెంట్స్ దగ్గర స్టార్ట్ అయ్యింది. ఆ తర్వాత ఆయన ఎక్కడో బీప్ వచ్చేలా ఒక మాట మాట్లాడడం, అలాగే భూములు పంచుకుంటున్నారా అనే విషయం కొందరిని హర్ట్ చేసింది. అందులో మెయిన్ గా నాగబాబు ‘బాలకృష్ణ గారు తెలుగు సినీ పరిశ్రమకి, తెలంగాణ ప్రభుత్వానికి క్షమాపణలు చెప్పాలని’ డిమాండ్ చేశారు. ఆ తర్వాత ఈ చర్చ పలు టీవీ ఛానల్స్ కి చర్చనీయాంశం అయ్యింది. ఇందులో కొందరు బాలకృష్ణను సపోర్ట్ చేస్తే కొందరు చిరంజీవిని సపోర్ట్ చేశారు.
కానీ ఈ విషయంపై నందమూరి బాలకృష్ణ గారి నుంచి కౌంటర్ ఏమీ రాలేదు. కానీ అయన తాజాగా ఓ ప్రముఖ యు ట్యూబ్ ఛానల్ కి ఇచ్చిన ఇంటర్వ్యూలో ఈ విషయంపై రెస్పాండ్ అయ్యారు. నాగబాబు కామెంట్స్ పై మీరేం మాట్లాడతారు అని అడిగితే ‘నేనేం మాట్లాడలా, అతనే మాట్లాడుకుంటున్నాడు.. నేను మాట్లాడను. ఛీఛీ నేను మాట్లాడడమేంటి.. అలాంటి విషయాల గురించి అసలు మాట్లాడను కూడాను. ఒక్కటే చెప్పగలను, ఇవాళ దాదాపు ఇండస్ట్రీ అంతా నాకు సపోర్ట్ చేస్తుంటే నేనేందుకు మాట్లాడతాను’ అన్నారు.
గతంలో మీరు రాజకీయంగా కేసీఆర్ గారిని విమర్శించారు.. అందుకే మిమ్మల్ని సినీ వర్గ మీటింగ్స్ పిలవలేదంటారా? అని అడిగితే ‘ ఒకవేళ అలా ఉంటే నాకు చెప్పచ్చుగా.. కేసీఆర్ గారికి నా మీద ఎలాంటి కోపం ఉండదు. నన్ను వేరుగా చూస్తేనే నాకు తిక్క రేగుతుంది. ఆయన నాన్నగారి అభిమానిగా, అయన వారసుడిగా నా మీద ఆయనకి పుత్రవాత్సల్యం ఉంటుంది. కచ్చితంగా చెబుతున్నాను కేసీఆర్ గారు అలా అని ఉండరని’ బాలకృష్ణ అన్నారు.
557936 611975Some truly good stuff on this web site , I like it. 37337