సీనియర్ మోస్ట్ యాంకర్ సుమ, సినీ మీడియాపై గుస్సా అయ్యింది. అందరి మీదా కాదు. కొందరి మీద మాత్రమే.! ఓ సినిమా ఫంక్షన్ సందర్భంగా, మీడియా ప్రతినిథులు కొందరు కెమెరాలను ఇంకా సెట్ చేసుకోకపోవడంపై సుమ అసహనం వ్యక్తం చేసింది.
‘స్నాక్స్‌ని భోజనంలా తినేవారు.. కాస్త తొందరగా రావాలి.. కెమెరాలు సెట్ చేసుకోవాలి..’ అంటూ సుమ వ్యాఖ్యానించింది. దీనికి ఓ సినీ జర్నలిస్టు అసహనం వ్యక్తం చేస్తూ, ‘మీరలా అనడం ఏమీ బాగాలేదు..’ అనేశాడు. సుమ, ‘నేను వేరే ఉద్దేశ్యంతో అనలేదు. మీరు స్నాక్స్‌ని స్నాక్స్‌గానే తింటారు..’ అని చెప్పుకొచ్చింది. దాంతో, విషయం మరింత వేడెక్కింది.
అక్కడికి ఆ వివాదం ఎలాగో సద్దుమణిగింది. ఆ తర్వాత సుమ ఓ వీడియో విడుదల చేసింది. ‘నేనెవర్నీ కించపర్చే ఉద్దేశ్యంతో ఆ మాట అనలేదు. మీ మనసులు నొచ్చుకున్న దరిమిలా, క్షమాపణ చెబుతున్నాను..’ అంటూ ఆ వీడియోలో సుమ పేర్కొంది.
ఈ మధ్యకాలంలో సుమ యాంకరింగ్ కొంత బోర్ కొట్టిస్తున్న మాట వాస్తవం. ఈ క్రమంలోనే ఆమె అసహనానికి గురవుతోందన్నది ఓ వాదన. మరోపక్క, సినిమా జర్నలిస్టుల్లో కొందరు, కేవలం తినడానికోసమే ప్రెస్ మీట్లకు వస్తున్నారన్న వాదనా లేకపోలేదు.
‘వాటర్ బాటిళ్ళు కూడా కొట్టేస్తున్నారు..’ అంటూ కొందరు సినీ జర్నలిస్టులపై అపవాదు వుంది. ఈ క్రమంలో సుమ వ్యవహారం తెలుగు సినీ పరిశ్రమలో హాట్ టాపిక్‌గా మారింది. విషయాన్ని కామప్ చేయడానికి, మీడియా ప్రతినిథులతో పరిశ్రమకు చెందిన ముఖ్యులు మాట్లాడుతున్నారట.
అదే సమయంలో, ‘వీళ్ళకు ఇలా జరగాల్సిందే..’ అంటూ ఇంకొందరు సినీ ప్రముఖులు కొందరు ఎర్నలిస్టుల విషయమై మాట్లాడుకుంటున్నారట. అదీ అసలు సంగతి.!
ఇంతకీ తప్పెవరిది.? అనే సంగతి పక్కన బెడితే.. మొత్తానికి యాంకర్ సుమ.. అడుసు తొక్కిందీ.. కాలు కడిగింది అంటున్నారు కొందరు.