2018లో సౌత్ ఇండియన్ లేడీ సూపర్ స్టార్ అనుష్క నటించిన సూపర్ హిట్ ఫిల్మ్ ‘భాగమతి’ సినిమాని దాదాపు రెండేళ్ల తర్వాత హిందీలో ‘దుర్గామతి’గా తెరకెక్కించారు. తెలుగులో డైరెక్ట్ చేసిన అశోక్ హిందీలో కూడా దర్శకత్వ బాధ్యతలు చేపట్టారు. అనుష్క పోషించిన పాత్రని హిందీలో భూమి పెడ్నేకర్ పోషించింది. కోవిడ్ పాండెమిక్ వలన ఈ సినిమా డైరెక్ట్ గా ఓటిటి ప్లాట్ ఫామ్ అమెజాన్ ప్రైమ్ లో నేడు విడుదలైంది. హిందీలో ఎలా ఉందో ఇప్పుడు చూద్దాం..
కథ:
ప్రజల కోసమే అహర్నిశలు పనిచేసే మంత్రి ఈశ్వర్ ప్రసాద్(అర్షద్ వర్షి).. బీహార్ లోని పలు ప్రాంతాల్లో ఉన్న పురాతన దేవాలయాల నుంచి విగ్రహాలు మాయం అవుతుంటాయి. ఆ విషయాన్ని సీరియస్ గా తీసుకున్న ఈశ్వర్ ప్రసాద్ 15 రోజుల్లో ఆ కేసు సాల్వ్ చెయ్యాలి లేదా రాజకీయాల నుంచి సన్యాసం తీసుకుంటా అని శబదం చేస్తాడు. ఈశ్వర్ ప్రసాద్ అంటే పడని మంత్రులు అతని ఇమేజ్ ని బాడ్ చేయాలనుకుంటారు. అందులో భాగంగా సీబీఐ ఆఫీసర్ నిధి వర్మ(మహి గిల్)ని రంగంలోకి దింపుతారు. తను మొదటగా ఈశ్వర్ ప్రసాద్ తో కలిసి పదేళ్లు పని చేసి, మర్డర్ కేసులో జైల్లో ఉన్న ఐఏఎస్ ఆఫీసర్ చంచల్ చౌహన్(భూమి పెడ్నేకర్) నుంచి నిజాలు రాబట్టాలనుకుంటుంది. అందుకోసం చంచల్ ని సీక్రెట్ గా దుర్గా మహాల్లో పెడతారు. అప్పటి వరకూ నార్మల్ గా ఉన్న చంచల్ ఒక్కసారిగా దుర్గామతిగా మారుతుంది. అక్కడి నుంచి కథ కొత్త మలుపులు తిరుగుతుంది. ఇంతకీ అసలు దుర్గామతి ఎవరు? దుర్గామతి కథ ఏంటి? అసలు ఆ ఈశ్వర్ ప్రసాద్ మంచివాడా? చెడ్డవాడా? చంచల్ ఎందుకు జైల్లో ఉంది? అనే ప్రశ్నలకి సమాధానమే దుర్గామతి.
తెర మీద స్టార్స్..
భూమి పెడ్నేకర్ మొదటిసారి ఇలాంటి ఓ బలమైన పాత్ర పోషించింది. అందరూ అంత హెవీ పెర్ఫార్మన్స్ ఓరియంటెడ్ పాత్రలో ఎలా చేస్తుందో అనుకున్నారు కానీ, తన వరకూ అద్భుతమైన నటనని కనబరిచింది. అటు ఐఏఎస్ ఆఫీసర్ గా, అమాయకురాలిగా, దుర్గామతిగా ఇలా మూడు విభిన్న షేడ్స్ లో సూపర్బ్ గా నటించింది. హిందీ వాళ్ళకి బాగానే అనిపిస్తుంది, కానీ తెలుగు చూసిన వారికి మాత్రం అనుష్క కటౌట్ వలన ఆ పాత్రలో గాంభీర్యం బాగా రీచ్ అయ్యింది. కానీ ఇక్కడ భూమి కటౌట్ చిన్నది కావడం వలన దుర్గామతి సీన్స్ తెలుగులో వర్కౌట్ అయినంతగా వర్కౌట్ కాలేదు అనిపిస్తుంది. కామెడీ పాత్రల్లో కనిపించే అర్షద్ వర్షి సెటిల్డ్ నెగటివ్ షేడ్స్ లో బాగా నటించాడు. మహి గిల్, జిష్షు షేన్ గుప్త, ధన్ రాజ్ లాంటి వారు తమ పాత్రలకు పూర్తి న్యాయం చేశారు.
తెర వెనుక టాలెంట్..
ముందుగా తెలుగులో డైరెక్ట్ చేసిన జి. అశోక్ హిందీలోనూ డైరెక్ట్ చేశారు. ఒరిజినల్ వెర్షన్ ఆయనే తీశారు కాబట్టి రీమేక్ చేస్తున్నప్పుడు తప్పులను సరిచేసుకుంటూ, ఇంకా బెటర్ గా తీయాలి కానీ అలా తీసినట్టు అనిపించలేదు.. బడ్జెట్ వలన సెట్ లో బాగా మార్పులు కనిపించాయే తప్ప కథలో, తీయడంలో మార్పులు కనిపించకపోగా చాలా చోట్ల ఒరిజినల్ కంటే ఇంకా వీక్ గా తీశారు. లవ్ ట్రాక్ అంతగా వర్కౌట్ కాలేదు, సీన్స్ లో పర్ఫెక్షన్ లేకుండా చేశారు. ఒరిజినల్ వెర్షన్ సూపర్ హిట్ టాక్ రేంజ్ అయితే, ఇది జస్ట్ యావరేజ్ అనేలా ఉంది. దీన్నిబట్టే చెప్పచ్చు అయన ఎంత శ్రద్ధతో ఈ సినిమాని రీమేక్ చేశారో చెప్పడానికి..
కుల్దీప్ మామణియా విజువల్స్ చాలా బాగున్నాయి, ఆ విజువల్స్ ని హైలైట్ చేసేలా జేక్స్ బెజోయ్ నేపధ్య సంగీతం ఉంది. చాలా చోట్ల మ్యూజిక్ అండ్ విజువల్స్ ఆడియన్స్ ని కట్టి పడేస్తాయి. ఆర్ట్ వర్క్స్ చాలా బాగుంది. ప్రొడక్షన్ వాల్యూస్ సూపర్బ్.
విజిల్ మోమెంట్స్:
– భూమి పెడ్నేకర్ నటన
– ఇంటర్వల్ అండ్ పోస్ట్ ఇంటర్వల్ ఎపిసోడ్స్
– క్లైమాక్స్ థ్రిల్స్
– నేపధ్య సంగీతం + విజువల్స్
బోరింగ్ మోమెంట్స్:
– లవ్ ట్రాక్ లో ఎమోషన్ కనెక్ట్ కాకపోవడం
– సస్పెన్స్ మిస్ అవ్వడం
– రన్ టైం
– సాగదీస్తున్నట్టు అనిపించే సీన్స్
– పసలేని విలనిజం
– చాలా ఓల్డ్ గా అనిపించే కొన్ని సీన్స్
విశ్లేషణ:
తెలుగు నుంచి హిందీకి వెళ్లిన ఈ ‘దుర్గామతి’ అక్కడి ప్రేక్షకులను కొంతవరకూ థ్రిల్ చేయగలిగిందనే చెప్పాలి. కానీ తెలుగు చూసిన వారికి పెద్దగా నచ్చదు. కొన్ని విజువల్స్ బాగా తెరకెక్కించిన డైరెక్టర్ అశోక్ కొన్ని సీన్స్ ని మాత్రం చాలా నామమాత్రంగా చేసాడు, అందుకే చాలా చోట్ల నీరసం వస్తుంది. ఓవరాల్ గా దుర్గామహాల్ ఎపిసోడ్స్ తో ఆకట్టుకున్నా మిగతా అంతా బోరింగ్ గా సాగుతూ జస్ట్ పరవాలేదు అనిపించుకుంటుంది.
చూడాలా? వద్దా?: వేరే ఏ సినిమా లేకపోతే, హారర్ ఇష్టపడే హిందీ ఆడియన్స్ ఒకసారి ట్రై చేయచ్చు.
తెలుగుబులెటిన్.కామ్ రేటింగ్ : 2/5
196186 619634Usually I try and get my mix of Vitamin E from pills. Even though Id truly like to through a fantastic meal strategy it can be rather hard to at times. 563727
743016 39331There exist a couple of several different distinct levels among the California Weight loss program and each and every a person is pretty important. Youre procedure stands out as the the actual giving up with all the power. weight loss 699364
275819 586043This is excellent content material. Youve loaded this with valuable, informative content that any reader can understand. I enjoy reading articles that are so extremely well-written. 639386
676057 43739articulo agregado a favoritos, lo imprimir cuando llegue a la oficina. 752817
130619 823484Wohh exactly what I was searching for, regards for putting up. 607181
370939 657384Excellent post man, maintain the nice function, just shared this with the friendz 609533