అల్లు కాంపౌండ్ నుండి వచ్చిన అల్లు శిరీష్ కెరీర్ అనుకున్నంత సజావుగా సాగట్లేదు. శిరీష్ ఏ ప్రయత్నం చేసినా పెద్దగా సక్సెస్ అవ్వడం లేదనే చెప్పాలి. శిరీష్ చేసిన లాస్ట్ సినిమా ఊర్వశివో రాక్షసివో. మంచి విజయం సాధిస్తుంది అనుకున్న సినిమా కాస్తా బోల్తా కొట్టింది. దీని తర్వాత ఇంకో సినిమా విడుదల కాలేదు. ప్రస్తుతం శిరీష్ టెడ్డీ అనే సినిమాను చేస్తున్నాడు. భిన్నమైన జోనర్ లో తెరకెక్కే సినిమా ఇది. వచ్చే ఏడాది ఈ సినిమా విడుదలకు సంబంధిన అప్డేట్ ఉంటుంది.
అలాగే శిరీష్ ఇప్పుడు మరో సినిమాను ఓకే చేసినట్లు తెలుస్తోంది. లోకేష్ అనే కొత్త దర్శకుడు తెరకెక్కించే టైమ్ ట్రావెల్ చిత్రంలో శిరీష్ నటించబోతున్నాడు. దీనికి నిన్న, నేడు, రేపు అనే టైటిల్ ఫిక్స్ చేసారు. టైటిల్ కు తగ్గట్లే భూత, భవిష్యత్, వర్తమాన కాలాలు ఈ చిత్రంలో టచ్ చేస్తారు. మరిన్ని వివరాలు త్వరలో తెలుస్తాయి.