అఖిల్ అక్కినేని అరంగేట్రానికి ముందు భారీ అంచనాలను క్రియేట్ చేసాడు. మనంలో చిన్న క్యామియోతో అక్కినేని అభిమానులను ఉర్రూతలూగించాడు. అయితే అరంగేట్ర చిత్రం భారీ డిజాస్టర్ గా నిలవడం, ఆ తర్వాత నుండి చేసిన ఏ చిత్రమూ ప్రేక్షకుల మన్ననలు అందుకోలేదు. ఉన్నంతలో మోస్ట్ ఎలిజిబుల్ బ్యాచలర్ మంచి విజయం సాధించింది. కానీ కమర్షియల్ గా భారీ బ్లాక్ బస్టర్ ఇంకా అఖిల్ ఖాతాలో చేరలేదు.
ఎన్నో అంచనాలు పెట్టుకుని చేసిన ఏజెంట్ దారుణమైన ఫలితాన్ని అందుకుంది. ఆ రిజల్ట్ ప్రభావమో మరొకటో కానీ అఖిల్ మళ్ళీ మరో సినిమాను ఇంకా మొదలుపెట్టింది లేదు. యూవీ క్రియేషన్స్ సంస్థలో ఒక భారీ చిత్రాన్ని ఒప్పుకున్నాడు కానీ అది వచ్చే ఏడాది మొదలవుతుంది.
ఈ సినిమాతో పాటు అఖిల్ వచ్చే ఏడాది మరో సినిమా కూడా చేయబోతున్నాడు. అన్నపూర్ణ స్టూడియోస్ బ్యానర్ లో అఖిల్ సినిమా చేసే అవకాశాలు పుష్కలంగా ఉన్నాయి.