Allu Arjun: ఐకాన్ స్టార్ అల్లు అర్జున్ (Allu Arjun) ప్రస్తుతం పుష్ప 2తో బిజీగా ఉన్నారు. ఆగష్టు 15న విడుదలయ్యే సినిమా కోసం ఆయన అభిమానులే కాకుండా సినీ ప్రియులంతా ఎంతో ఆసక్తిగా ఎదురు చూస్తున్నారు. ఈక్రమంలో ఆయన పుష్ప 2 తర్వాత చేయబోయే సినిమాపై ఆసక్తి నెలకొంది. దీనికి సంబంధించి ఓ న్యూస్ వైరల్ అవుతోంది.
తమిళ స్టార్ డైరక్టర్ అట్లీ (Atlee) తో అల్లు అర్జున్ ఓ సినిమా చేయనున్నారనే న్యూస్ ఎప్పటినుంచో వైరల్ అవుతోంది. దీనిపై అఫిషియల్ న్యూస్ బన్నీ పుట్టినరోజైన ఏప్రిల్ 8న రానుందనే వార్తలు కోలీవుడ్ లో జోరందుకున్నాయి. అట్లీ ‘ఏ6’ పేరుతో వీడియోను పోస్ట్ చేయడం ఇందుకు బలాన్నిస్తోంది.
అల్లు అర్జున్, అట్లీ పేర్లు ఏ అక్షరంతోనే స్టార్ట్ అవుతాయి కాబట్టే ‘ఏ6’ పేరుతో వీడియో పోస్ట్ అయిందని అభిమానులు చర్చించుకుంటున్నారు. పుష్ప 2 గురించే కాకుండా బన్నీ తర్వాత సినిమాపైనా సర్వత్రా ఆసక్తి నెలకొంది. దీనిపై క్లారిటీ రావాలంటే ఏప్రిల్ 8 వరకూ ఆగాల్సిందే.
View this post on Instagram