తారక్, చరణ్ ను వదిలేసి ప్రభాస్ పేరు చెప్పిందేంటి?

బాహుబలితో ప్రభాస్ నేషన్ వైడ్ గా ఎంత పేరు సంపాదించుకున్నాడో ప్రత్యేకంగా చెప్పాల్సిన పనిలేదు. ఇక సాహో చిత్రంతో నార్త్ లో తన పాపులారిటీని పదిలపరుచుకున్నాడు ప్రభాస్. ఇక రెబెల్ స్టార్ ఎంత మాత్రం రీజినల్ స్టార్ కాదని తేలిపోయింది. మన ఇండస్ట్రీలోనే కాకుండా బయట ఇండస్ట్రీలలో కూడా ప్రభాస్ కు విపరీతమైన ఫాలోయింగ్ ఉంది. ఎంతో మంది తనను ఫేవరేట్ గా భావిస్తున్నారు. తాజాగా ఈ లిస్ట్ లో బాలీవుడ్ స్టార్ హీరోయిన్ అలియా భట్ కూడా చేరింది.

ఆమె ఫేవరెట్ తెలుగు హీరో ఎవరంటే ఏ మాత్రం తడుముకోకుండా ప్రభాస్ అని చెప్పేసింది. ఇంత వరకూ బాగానే ఉంది కానీ ఈ సమాధానం ఇప్పుడు ఎన్టీఆర్, రామ్ చరణ్ ఫ్యాన్స్ ను ఇబ్బంది పెడుతోంది, ముఖ్యంగా చరణ్ ఫ్యాన్స్ ను. ఎందుకంటే అలియా భట్ ఇప్పుడు ఆర్ ఆర్ ఆర్ లో హీరోయిన్. ఇంకా సెట్స్ లో జాయిన్ అవ్వలేదు కానీ అన్నీ అనుకున్నట్లు జరిగి ఉంటే ఈ పాటికి జాయిన్ అయ్యేది. ఆర్ ఆర్ ఆర్ లో ఇద్దరు హీరోలైన చరణ్, ఎన్టీఆర్ లలో ఒకరి పేరు చెప్పకుండా ప్రభాస్ పేరు చెప్పడం నిజంగా ఈ ఇద్దరు స్టార్ హీరోల ఫ్యాన్స్ ను ఇబ్బంది పెడుతోంది. ఈ సినిమాలో అలియా భట్ చరణ్ కు జోడిగా నటించనున్న విషయం తెల్సిందే.

అలియా భట్ కు రాజమౌళి అంటే ప్రత్యేకమైన అభిమానం. అందుకనే ఆర్ ఆర్ ఆర్ లో పాత్ర కోసం సంప్రదించగానే డేట్స్ అడ్జస్ట్ చేయడం కష్టమైనా కానీ ఇస్తానని మాట ఇచ్చింది. ఇప్పుడు కరోనా వల్ల షెడ్యూల్స్ అన్నీ తారుమారు అయినా కానీ కంగారు పడాల్సింది ఏం లేదని చెప్పుకొచ్చింది.