అఖిల్ అక్కినేని హీరోగా సురేందర్ రెడ్డి దర్శకత్వంలో రూపొందిన ఏజెంట్ సినిమా ఎప్పుడెప్పుడు విడుదలవుతుందా అంటూ అక్కినేని అభిమానులు నిరీక్షిస్తున్నారు. గత ఏడాది నుండి ఈ సినిమా విడుదల వాయిదాల మీద వాయిదాలు పడుతూ వస్తోంది.
ఎట్టకేలకు ఈ సినిమా విడుదల తేదీని మరోసారి ప్రకటించారు. సంక్రాంతి బరి నుండి తప్పుకున్న ఏజెంట్ ని సమ్మర్ కానుకగా ఏప్రిల్ 28వ తారీఖున విడుదల చేయబోతున్నట్లు మేకర్స్ అధికారికంగా వెల్లడించారు. అఖిల్ విభిన్నమైన మేకోవర్ తో ఈ సినిమాలో కనిపించబోతున్నాడు అంటూ ఇప్పటికే విడుదలైన టీజర్ మరియు పోస్టర్స్ తో క్లారిటీ వచ్చింది.
అఖిల్ కి జోడిగా ఈ సినిమాలో సాక్షి వైద్య హీరోయిన్ గా నటించింది. మలయాళం సూపర్ స్టార్ మమ్ముట్టి ఈ సినిమాలో కీలక పాత్రలో నటించడంతో అంచనాలు మరింతగా పెరిగాయి. వాయిదాల మీద వాయిదాలు పడుతూ వస్తున్న ఈ సినిమా కొత్త తేదీకైనా విడుదలయ్యేనా చూడాలి.