Lal Salaam: రజినీకాంత్ (Rajinikanth) నటించగా ఇటివల విడుదలైన సినిమా లాల్ సలాం (Lal Salaam). విష్ణు విశాల్, విక్రాంత్ సంతోష్ ప్రధాన పాత్రల్లో క్రికెట్ నేపథ్యంలో ఆయన కుమార్తె ఐశ్వర్య తెరకెక్కించారు. ఎన్నో అంచనాల మధ్య విడుదలైన సినిమా బాక్సాఫీస్ వద్ద పరాజయాన్ని అందుకుంది. సినిమా ఫలితంపై ఐశ్వర్య (Aishwarya) స్పందించారు.
‘లాల్ సలాంలో రజినీకాంత్ ను అతిథిపాత్రలో అనుకున్నాం. అందుకు తగ్గట్టే స్క్రిప్ట్ లో ఆయన పాత్ర 10నిముషాలు.. సెకండాఫ్ లో వస్తుంది. రజినీకాంత్ ఇమేజ్ దృష్ట్యా ఆయన పాత్ర పరిధి పెంచుకుంటూ వెళ్లాం. రజినీ అభిమానులు నిరాశ పడకూడదని.. విడుదలకు రెండు రోజుల ముందే ఇలా చేశాం’.
‘కథా పరిధి కంటే రజినీ పాత్ర ఎక్కువగా వచ్చింది. దీంతో సినిమా అసలు కథ కనిపించకపోవడంతో సినిమా ఫలితం నిరాశను మిగిల్చిందని భావిస్తున్నా. అభిమానులు కూడా ఫస్టాఫ్ లో కథ సరిగా రాలేదని అన్నారు. ఇంకా సినిమా రన్ టైమ్ పెరిగుంటే బాగుండేదని అనిపించింది. ఏమైనా.. ఈ సినిమా నాకో పాఠం నేర్పింద’ని అన్నారు.