కరోనాతో అల్లు వారి ‘ఆహా’లో ఢొల్ల బయటపడినది

రాబోయే రోజుల్లో ఓటీటీ రాజ్యం ఏళబోతుందని చాలా మంది అంచనా వేస్తున్నారు. ప్రస్తుతం అమెరికా వంటి దేశాల్లో ఓటీటీ బిజినెస్‌ చాలా లాభసాటిగా ఉంది. ఇండియాలో కూడా భారీగా ఈ వ్యాపారం ఉండబోతుందని థియేటర్ల ప్రాముఖ్య తగ్గి ఓటీటీకే ఎక్కువ ప్రాముఖ్యత ఉంటుందనే ఉద్దేశ్యంతో చాలా మంది కూడా ఓటీటీ బిజినెస్‌పై ఆసక్తిని వ్యక్తం చేస్తున్నారు. ఈ నేపథ్యంలో అల్లు అరవింద్‌ కూడా ఆహా అంటూ ఒక ఓటీటీ ఫ్లాట్‌ ఫామ్‌ను ప్రారంభించిన విషయం తెల్సిందే.

కేవలం తెలుగు సినిమాలే ఆహాలో ఉంటాయని మొదటే ఆయన ప్రకటించాడు. ఈ నేపథ్యంలో కాస్త మెల్లగానే ఆహా కు ఆధరణ దక్కుతుంది. ఆదాయం ప్రస్తుతంకు ఏమీ లేదంటూ ఆమద్య ప్రచారం జరిగింది. ఆహాపై అల్లు అరవింద్‌ భారీగా డబ్బులు పెడుతున్నాడు. కాని ఇప్పటి వరకు ఆయనకు వచ్చింది మాత్రం చాలా తక్కువ అంటూ ఇండస్ట్రీ వర్గాల్లో కూడా టాక్‌ ఉంది. ఇలాంటి సమయంలో ఆహా టెక్నికల్‌ సమస్య రావడంతో కస్టమర్లకు చిరాకు తెప్పిస్తుంది.

ఇటీవలే మిలియన్‌ డౌన్‌ లోడ్స్‌ ను పూర్తి చేసుకున్న ఆహా సర్వర్‌ సమస్య కారణంగా డౌన్‌ అయిపోయిందట. ప్రస్తుతం యాప్‌లో సినిమాలు వెబ్‌ సిరీస్‌లు చూడటం సాధ్యం అవ్వడం లేదట. ఆహా వెబ్‌ సైట్‌లో సినిమాలు చూడాలంటూ వినియోగదారులకు ఆహా సూచిస్తుంది. ఎక్కువ మంది సబ్‌స్క్రైబ్‌ అవ్వడం వల్లే ఆహాకు టెక్నికల్‌ సమస్య వచ్చిందని అంటున్నారు.

కరోనా కారణంగా జనాలు అంతా ఇంటికే పరిమితం అయ్యి ఆహాను ఎక్కువ సంఖ్యలో స్ట్రీమ్‌ చేయడం వల్ల టెక్నికల్‌ సమస్య వచ్చి ఉంటుందని అంటున్నారు. మిలియన్‌ డౌన్‌లోడ్స్‌కే టెక్నికల్‌ సమస్య రావడం ఏంటీ అంటూ విమర్శలు వ్యక్తం అవుతున్నాయి. కొన్ని ఓటీటీ యాప్‌లు పది మిలియన్‌లను మించి డౌన్‌లోడ్స్‌ను కలిగి ఉన్నాయి. వాటికి రాని సమస్య ఆహాకు రావడంతో కరోనా కారణంగా ఆహాలో ఢొల్ల బయట పడినది అంటూ కామెంట్స్‌ వినిపిస్తున్నాయి.