వైసీపీ ముఖ్య నేత, ఆ పార్టీ రాజ్యసభ సభ్యుడు విజయసాయిరెడ్డి, సోషల్ మీడియా వేదికగా రాజకీయ ప్రత్యర్థులపై చేసే అడ్డగోలు విమర్శలు ‘స్థాయి’ దాటేసి మరీ వుంటాయి. ఏమయ్యిందోగానీ, గత కొద్ది రోజులుగా ఆయన మౌనం దాల్చారు. కేవలం, పార్టీ నేతలకు శుభాకాంక్షలు తెలపడంతోనూ, ప్రభుత్వం చేపడుతున్న కార్యక్రమాల తాలూకు ప్రచారంతోనూ సరిపెడుతున్నారు.
విజయసాయిరెడ్డిలో ఈ కొత్త మార్పు వైసీపీ శ్రేణులకీ అర్థం కావడంలేదు. వైసీపీలో చాలామందికి ఆయన వ్యవహార శైలి మొదటి నుంచీ నచ్చదు. ఎవర్నీ ఆయన లెక్క చేయరన్న విమర్శ వుంది. అలాంటిది, సోషల్ మీడియా వేదికగా వైసీపీ నేతలకు ‘పుట్టినరోజు శుభాకాంక్షలు’ తెలుపుతూ టైమ్ పాస్ చేస్తున్నారంటేనే, విజయసాయిరెడ్డిలో చాలా మార్పు వచ్చినట్టు లెక్క.
మరీ ముఖ్యంగా వైసీపీ వర్సెస్ జనసేన.. పెద్ద రాజకీయ యుద్ధమే నడుస్తోంది. ఈ వ్యవహారానికి సంబంధించి విజయసాయిరెడ్డి నుంచి ఘాటైన ట్వీట్ ఒక్కటీ రాకపోవడం జనసేన శ్రేణుల్నీ ఆశ్చర్యపరుస్తోంది. ఎందుకంటే రాజకీయ ప్రత్యర్థుల్ని విమర్శించే క్రమంలో, విజయసాయిరెడ్డి సొంత పార్టీకి చేటు చేస్తుంటారు.. ఔను మరి, ఆయన ట్వీట్లు వైసీపీకే గట్టిగా తగిలేస్తుంటాయి. తద్వారా విపక్షాలకు చెందిన నెటిజన్లకు బోల్డంత టైమ్ పాస్.
రాష్ట్రంలో డ్రగ్స్ కుంభకోణానికి సంబంధించి అధికార పార్టీపై తీవ్రస్థాయి ఆరోపణలు వస్తున్నాయి. మరీ ముఖ్యంగా విజయసాయిరెడ్డిపైనా టీడీపీ ఘాటైన ఆరోపణలు చేస్తోంది. విజయసాయిరెడ్డి, ఆయన కుటుంబ సభ్యులకు ఈ డ్రగ్స్ రాకెట్తో సంబంధాలున్నాయని పలువురు టీడీపీ నేతలు ఆరోపిస్తున్న విషయం విదితమే. ఈ క్రమంలోనే విజయసాయిరెడ్డి సైలెంటయ్యారన్నది ఓ వాదన.
అసలు డ్రగ్స్ వ్యవహారానికీ, రాష్ట్రానికీ ఏం సంబంధం.? అన్న ప్రశ్న వైసీపీ నుంచి ఉత్పన్నమవుతోంది. రాజకీయాల్లో ఆరోపణలు సహజాతి సహజం. ఆరోపణలు, ప్రత్యారోపణలు.. లేకుండా రాజకీయాల్ని ఊహించుకోలేని పరిస్థితి. డ్రగ్స్ వ్యవహారాన్ని పక్కన పెడితే, రాష్ట్రంలో రోడ్ల దుస్థితిపై జనసేన సమర శంఖం పూరించిన దరిమిలా, వైసీపీ నుంచి తీవ్రస్థాయిలో జనసేనపై ఎదురుదాడి జరుగుతున్నా, విజయసాయిరెడ్డి మౌనం దాల్చడం కొత్త అనుమానాలకు తావిస్తోంది.
ఇంతలా విజయసాయిరెడ్డి మౌనం దాల్చారంటే, బహుశా వైసీపీలో ఆయన మాట చెల్లుబాటవడంలేదనుకోవాలా.? తాజా రాజకీయ పరిణామాల నేపథ్యంలో ఆయనకు మొహం చెల్లటంలేదని అనుకోవాలా.?
804016 716169Informative Site Hello guys here are some links that contains information that you could discover useful yourselves. It is Worth Checking out. 885581
344760 256944certainly like your internet site but you require to check the spelling on several of your posts. Several of them are rife with spelling issues and I uncover it quite troublesome to tell the truth nevertheless I will surely come back again. 915610