సినిమా ప్రియులు ఎప్పుడెప్పుడా అంటూ ఎదురు చూసిన రానే వచ్చింది. మూడు నెలలుగా సినిమా థియేటర్లు మూత పడ్డాయి. ఎట్టకేలకు ఓపెన్‌ అయిన థియేటర్లకు కరోనా భయం లేకుండా జనాలు వెళ్లాలి అంటే సినిమాలు బాగుండాలి. సెకండ్‌ వేవ్‌ తర్వాత మొదట విడుదల అయిన సినిమాల్లో తిమ్మరుసు ఒక్కటి. ఈ సినిమా ఎలా ఉంది అనేది ఈ రివ్యూలో చర్చిద్దాం రండీ.
కథ : లాయర్‌ రామచంద్ర (సత్యదేవ్) ఒక హత్య కేసు విషయంలో ప్రత్యేక శ్రద్దతో దాన్ని పరిష్కరించేందుకు ప్రయత్నించే కథనే తిమ్మరుసు. ఒక సామాన్య యువకుడికి శిక్ష పడకుండా రామచంద్ర ఎలా చేశారు.. ఆ హత్య కేసుకు సంబంధించిన విషయాలు ఏంటీ అనేది సినిమా చూసి తెలుసుకోండి.
తెర మీద స్టార్స్‌…
నటుడిగా సత్యదేవ్ తన ప్రతి సినిమాలో కూడా నిరూపించుకుంటున్నాడు. ఉమా మహేశ్వర ఉగ్రరూపస్య సినిమాలో ఆకట్టుకున్న సత్యేదేవ్‌ మళ్లీ అంతటి నటనతో ఈ సినిమాలో ఆకట్టుకున్నాడు. సినిమా మొత్తం కూడా తన భుజస్కందాలపై వేసుకుని మోసినట్లుగా అనిపించింది. ఇక సత్యదేవ్ హీరోగా మరోసారి బాధ్యతాయుతమైన కథను ఎంపిక చేసుకున్నాడు అనిపించింది. బ్రహ్మాజీ ఎప్పటిలాగే తన పాత్రకు పూర్తి న్యాయం చేసి మెప్పించాడు. ముఖ్యంగా కొన్ని కామెడీ సన్నివేశాల్లో ఆయన టైమింగ్ సూపర్. ట్యాక్సీవాలా హీరోయిన్ ప్రియాంక జవాల్కర్ కు చిన్న రోల్‌ దక్కింది. అయితే ఆమె ఉన్నంతలో పర్వాలేదు అనిపించింది. జాన్సి పాత్ర కూడా సహజంగా ఆకట్టుకునే విధంగా ఉంది.
తెర వెనుక టాలెంట్..
దర్శకుడు శరన్‌ కొప్పిశెట్టి ఒక చక్కని పాయింట్‌ ను తీసుకున్నాడు. సింపుల్‌ కథ అయినా కూడా దాన్ని తీసిన విధానం అభినందనీయం. హీరో సత్యదేవ్ ను పూర్తిగా వినియోగించుకున్నాడు. హీరో పాత్ర విషయంలోనే కాకుండా ఇతర పాత్రలకు సంబంధించిన విషయంలో కూడా మరింత శ్రద్ద పెట్టి ఉంటే బాగుండేది. ఎడిటింగ్‌ విషయంలో లోపాలు ఉన్నాయి. ముఖ్యంగా మొదటి సగంలో కొన్ని సీన్స్ సాగతీసినట్లుగా ఉన్నాయి. సంగీతం విషయంలో పెద్దగా చెప్పుకోవడానికి లేదు. ఇక సినిమాటోగ్రఫీ సహజంగా బాగుంది.
విజిల్ మోమెంట్స్:
- సత్యదేవ్ నటన,
- కథలో ట్విస్ట్‌ లు,
- క్లైమాక్స్‌ సన్నివేశాలు.
బోరింగ్ మోమెంట్స్:
- కొన్ని సీన్స్ లాజిక్ కు దూరంగా ఉన్నాయి,
- సినిమా ఆరంభం సన్నివేశాలు,
- కొన్ని సీన్స్ అతి తెలివి అన్నట్లుగా ఉన్నాయి.
విశ్లేషణ: తిమ్మరుసు ఒక ఇన్వెస్టిగేషన్‌ థ్రిల్లర్‌ మూవీ. సత్యదేవ్ తన పాత్రకు పూర్తి న్యాయం చేయడంతో పాటు సినిమాకు ప్రధాన ఆకర్షణగా నిలిచాడు. సినిమా కథ విషయంలో పట్టింపు లేకుండా సెకండ్‌ హాఫ్‌ లో కథ నడిచిన తీరు.. కథలో వచ్చే ట్విస్ట్‌ లను చూపించిన తీరు అభినందనీయం. అయితే కొన్ని సన్నివేశాల విషయంలో నిరాశ తప్పదు. ఫస్ట్‌ హాఫ్‌ లో నిరాశ పర్చినా.. కొన్ని పాత్రల విషయంలో సంతృప్తిపర్చలేక పోయినా కూడా మొత్తంగా తిమ్మరుసు పర్వాలేదు అనిపించేలా ఉన్నాడు.
చూడాలా? వద్దా? : చాలా నెలల తర్వాత థియేటర్ల బొమ్మ పడింది.. ఖాళీ ఉంటే ఒకసారి చూడచ్చు.
తెలుగు బులెటిన్. కామ్ రేటింగ్: 2.5/5
776503 552098U never get what u expect u only get what u inspect 179424
77712 156531The urge to gamble is so universal and its practice so pleasurable, that I assume it ought to be evil. – Heywood Broun 450361
236540 43511Aw, it was a very great post. In notion I would like to devote writing such as this furthermore,?C spending time and specific function to produce a great post?- nonetheless so what can I say?- I waste time alot and never at all seem to obtain one thing completed. 602904