ఏపీలో ఎలక్ట్రిక్ బస్సులు..! నిరద్యోగులు చెప్పుడు మాటలు నమ్మొద్దు: మంత్రి పేర్ని నాని

ఏపీలో ఎలక్ట్రిక్ బస్సులు ప్రవేశపెడతామని గతంలోనే ప్రకటించింది ఏపీ ప్రభుత్వం. త్వరలో ఇందుకు సంబంధించి టెండర్లు కూడా పిలవనున్నారు. ఈ విషయంపై రవాణా శాఖ మంత్రి పేర్ని నాని వివరాలు వెల్లడించారు. ‘ఈనెల 23 తర్వాత అత్యంత పారదర్శకంగా రివర్స్ టెండరింగ్ నిర్వహిస్తాం. జ్యూడీషియల్ ప్రివ్యూకు పంపిన తర్వాతే ఎలక్ట్రిక్ బస్సుల టెండర్ పై నిర్ణయం తీసుకున్నాం. ప్రస్తుతం బస్సుల ధర 2 కోట్ల నుంచి 1.75 కోట్లకు తగ్గింది. ఒక్కరికే టెండర్లు కట్టబెట్టామనేది అవాస్తం. ఇవి నిరాధారమైన ఆరోపణలు’ అని అన్నారు.

ఇంకా ఆయన మాట్లాడుతూ.. ‘నిన్న ఒక్కరోజే రికార్డుస్థాయిలో 13.72 లక్షల మందికి వ్యాక్సిన్ వేయడం ఓ రికార్డు. కేంద్రం ఏపీకి మరిన్ని వ్యాక్సిన్లు కేటాయించాలి. సీఎం విడుదల చేసిన జాబ్ క్యాలెండర్ ప్రస్తతం అవసరమైన ఉద్యోగాల ప్రకారంగా విడుదల చేశారు. చెప్పుడు మాటలు విని నిరుద్యోగులు  నిరుత్సాహపడొద్దు. రాబోయే మూడేళ్లలో నిరుద్యోగ యువత ఆశలు నెరవేరుస్తాం’ అని అన్నారు.