రాజద్రోహం కేసు పెట్టి లోపలేస్తే.. సైలెంటయిపోవడం ఖాయమన్న నమ్మకంతోనే తమ రెబల్ ఎంపీ రఘురామకృష్ణరాజు విషయంలో అధికార వైసీపీ అత్యద్భుతంగా స్కెచ్ వేసినా, అది కాస్తా బెడిసికొట్టినట్లు కనిపిస్తోంది. ‘నన్ను తీవ్రంగా కొట్టారు.. థర్డ్ డిగ్రీ టార్చర్ పెట్టారు..’ అంటూ రఘురామ ఎప్పుడైతే రివర్స్ ఎటాక్ షురూ చేశారో, ఆ తర్వాత సీన్ మారిపోయింది. అధికార పార్టీ గొంతులు మూగబోయాయ్. అదే సమయంలో, తన నోటికి సర్వోన్నత న్యాయస్థానం షరతుల పేరుతో తాళం వేసేసరికి, రఘురామ కొత్త మార్గం ఎంచుకున్నారు.
అధికార వైసీపీ మీదా, వైసీపీ ప్రభుత్వమ్మీదా.. మరీ ముఖ్యంగా ముఖ్యమంత్రి వైఎస్ జగన్ మోహన్ రెడ్డి మీద లేఖాస్త్రాల దాడి షురూ చేశారు రఘురామ. ఒకటా.? రెండా.? ఇప్పటికి ఏడు లేఖాస్త్రాలు సంధించారు. ఒక్కోటీ చాలా గట్టిగా తగులుతోంది ప్రభుత్వానికి. తేలు కుట్టిన డేష్ డేష్.. అన్న చందాన తయారైంది అధికార పార్టీ పెద్దల పరిస్థితి. రఘురామ లేఖల్ని ఖండించేంత సీన్ అధికార వైసీపీకి లేదు. ఎందుకంటే, వాటిల్లో పేర్కొంటున్నవన్నీ వాస్తవాలే.
ఏడు రోజులు.. ఏడు లేఖలు.. వాటిల్లో కొన్ని నవరత్నాలకు సంబంధించినవీ వున్నాయి. ‘మేం మేనిఫెస్టోని భగవద్గీత, బైబిల్, ఖురాన్ తరహాలో భావిస్తాం..’ అని అధికార పార్టీ చెబుతోంది. అంతేనా, 90 శాతానికి పైగా హామీలు నెరవేర్చేసి, కొత్త కొత్త పథకాలూ ప్రకటిస్తున్నామని చెప్పుకుంటోంది. రఘురామకృష్ణరాజేమో.. ఇవిగో, ఇవీ మీరు హామీలిచ్చి మర్చిపోయినవి.. అంటూ సుతిమెత్తగా, చాలా సూటిగా.. ఇంకా ఖచ్చితంగా చెప్పాలంటే వాత పెట్టి, వెన్నపూస రాసిన చందంగా అత్యంత వినమ్రంగా లేఖాస్త్రాలు సంధిస్తున్నారు.
తాజాగా, రైతు భరోసా విషయమై రఘురామ సంధించిన లేఖాస్త్రానికి జనం నుంచి రెస్పాన్స్ అదిరిపోయే స్థాయిలో వస్తోంది. రైతు భరోసా మొత్తంగా 19.500 రూపాయలు ఇవ్వాలంటూ రఘురామ లేఖాస్త్రం సంధించారు. ఈ లేఖ ఇప్పుడు హాట్ టాపిక్ అయ్యింది. ఇప్పటికి మొత్తంగా ఏడు లేఖలు రాశారు. రేపటికోసం కూడా లేఖాస్త్రం సిద్ధమయిపోయే వుంటుంది. ఈ లేఖల పరంపర ఇలాగే కొనసాగుతుందా.? రానున్న దాదాపు మూడేళ్ళూ ఇలాగే రాజుగారి లేఖల దాడి కొనసాగేనా.? వేచి చూడాల్సిందే.
779518 605827Hi there! I just wish to give an enormous thumbs up for the good info youve right here on this post. I shall be coming again to your weblog for extra soon. 55049
835214 338865magnificent post, extremely informative. I wonder why the other specialists of this sector do not notice this. You must continue your writing. Im sure, youve an excellent readers base already! 306913