మూడు పెళ్లిళ్లు.. లక్షల్లో మోసం..! మాయలాడి మోసం వెలుగులోకి..

వరుసగా పెళ్లిళ్లు చేసుకుంటూ పలువురు యువకుల్ని మోసం చేయడమే కాకుండా.. లక్షల్లో డబ్బులు వసూలు చేస్తే మోసం చేస్తున్న ఓ యువతి ఉదంతం ప్రస్తతం సంచలనం రేపుతోంది. తిరుపతిలో ఈ ఘటన వెలుగు చూసింది. ఆమెను పెళ్లి చేసుకుని మోసపోయిన ఆమె రెండో భర్త వినయ్ పోలీసులను, మీడియాను ఆశ్రయిచడంతో ఈ ఉదంతం వెలుగులోకి వచ్చింది. పోలీసులు తెలిపిన వివరాల ప్రకారం..

చిత్తూరు జిల్లా విజయపురం మండలానికి చెందిన ఓ యువకుడు తిరుపతిలోని సత్యనారాయణపురంలో నివాసముంటూ మార్కెటింగ్ ఉద్యోగం చేస్తున్నాడు. ఓ ఫైనాన్స్ కంపెనీలో ఉద్యోగం చేస్తున్న సుహాసిని అతనికి పరిచయమై ప్రేమగా మారింది. వయసులో ఆమె ఆరేళ్లు పెద్ద. తనను తాను అనాధగా పరిచయం చేసుకుంది. యువకుడు ఇంట్లో ఒప్పంచి గతేడాది డిసెంబర్ లో పెళ్లి చేసుకున్నారు. పెళ్లి సమయంలో 8 తులాల బంగారం కూడా పెట్టారు. తనను పెంచిన వారికి ఆరోగ్యం బాలేదంటూ భర్త నుంచి 4 లక్షలు.. అతని తండ్రి నుంచి మరో 2లక్షలు తీసుకుంది.

విషయం తెలిసి దీంతో ఇద్దరి మధ్య గొడవ జరిగింది. తర్వాత ఆమె కనిపించకుండా పోయింది. ఆమె ఆధార్ కార్డు ద్వారా ఆరా తీయడి ఆమెకు నెల్లూరు జిల్లా కోనేటిరాజుపాళెంకు చెందిన వ్యక్తితో అప్పటికే వివాహమై ఇద్దరు కుమార్తెలు కూడా ఉన్నట్టు తెలిసింది. దీంతో తాను మోసపోయినట్టు గ్రహించాడు. ఈక్రమంలో ఆమె భర్తకు ఫోన్ చేసి.. నీ డబ్బులు ఇచ్చేస్తా.. పోలీసులను ఆశ్రయించొద్దని హెచ్చరించింది. పైగా.. తాను పెళ్లి చేసుకున్న రెండో పెళ్లి ఫొటోలను కూడా పంపింది.

దీంతో యువకుడు పోలీసులను ఆశ్రయించాడు. ఈ విషయం తెలుసుకున్న ఆమె రెండో భర్త వినయ్ మీడియా మందుకు వచ్చి తాను మోసపోయిన వైనాన్ని వివరించాడు. బాధితుడు తెలంగాణలోని కొత్తగూడెం చెందిన వ్యక్తి. వీరికి 2018లో పరిచయమై పెళ్లి చేసుకున్నట్టు చెప్పుకొచ్చాడు. ఈ మోసాలన్నీ మొదటి భర్త సాయంతోనే చేస్తున్నట్టు తెలుస్తోంది. ప్రస్తుతం పోలీసులు ఆ యువతి కోసం గాలిస్తున్నారు. ఆమె హైదరాబాద్ లో ఉన్నట్టు తెలుస్తోంది.