ఆచార్య సినిమాలో వేసిన ధర్మస్థలి టెంపుల్ సెట్ ఎంత అద్భుతంగా ఉండబోతుందో అనే విషయాన్ని మెగాస్టార్ చిరంజీవి గారు ఇప్పటికే ఓ శాంపిల్ వీడియోని పోస్ట్ చేసి ప్రేక్షకులకి పరిచయం చేశారు. ఆ అద్భుతమైన సెట్ వేసిన ఆర్ట్ డైరెక్టర్ సురేష్ సెల్వరాజన్. కొరటాల శివ భరత్ అనే నేను సినిమాకి వర్క్ చేసిన సురేష్ గతంలో హిందీ ‘బ్రదర్స్’ సినిమాకి, తమిళ్ లో ఇంకొక్కడు, పేట సినిమాలకి ఆర్ట్ డైరెక్టర్ గా పని చేశారు. మేము ప్రత్యేకంగా ఆర్ట్ డైరెక్టర్ సురేష్ ముచ్చటించి తెలుసుకున్న ఆచార్య మూవీ విశేషాలు మీకోసం..
చిరు గారు షేర్ చేసిన టెంపుల్ సెట్ కి విశేష స్పందన లభించింది. ఆ టైంలో మీ ఫీలింగ్ ఏంటి??
చిరు గారు నా ఫోటో పెట్టి, సెట్ గురించి ట్వీట్ చేసి, నా గురించి అంతలా చెప్పడం ఓ అద్భుతమైన అనుభవం. రాత్రికి రాత్రి నన్ను టాక్ ఆఫ్ ది టౌన్ చేసేసారు. చిరు గారు లెజెండ్, ఆయన అలా చెప్పడంతో తెలుగు ఫిలిం ఇండస్ట్రీలో నాకు ఇంతకన్నా కావాల్సింది ఏముంది అనిపించింది. నాకు తెలుగులో ఇది రెండవ సినిమా కానీ ఒక 40 – 50 సినిమాలు చేసిన గ్రేట్ ఆర్ట్ డైరెక్టర్ కి దక్కిన గౌరవం లభించింది. చిరు గారు, చరణ్ గారు సోషల్ మీడియాలోనే కాదు ప్రతి రోజూ సెట్లో నా వర్క్ ని పొగిడేవారు, వారి పాజిటివ్ ఎనర్జీ నన్ను ఇంకా ఎనర్జీతో పనిచేసేలా చేసింది.
The amazing #TempleTown set built for #Acharya is a real piece of Art. Couldn't stop sharing it with you all. pic.twitter.com/P4psg5TDVn
— Chiranjeevi Konidela (@KChiruTweets) January 6, 2021
ధర్మస్థలి టెంపుల్ సెట్ బడ్జెట్ ఎంత అండ్ ఆ సెట్ వేయడానికి ఎన్ని రోజులు పట్టింది?
టెంపుల్ సెట్ బడ్జెట్ ఓవరాల్ గా ఇంత అయ్యింది అనే నెంబర్ నాకు ఐడియా లేదు, కానీ 20 కోట్ల పైనే అయ్యిందని చెప్పగలను. మిగతా చిన్న చిన్న సెట్స్, వేరే సెట్ ప్రాపర్టీస్ ని కూడా కలుపుకుంటే 25 కోట్లు సెట్స్ వరకే అయ్యింది. అలాగే ఆ టెంపుల్ సెట్ వెయ్యడానికి మూడున్నర నెలల సమయం పట్టింది.
అంత బడ్జెట్ పెట్టి చేసిన ఆ సెట్ లో ఎంత పెర్సెంట్ సినిమా జరుగుతుంది?
సుమారు 60% ఆ సినిమా సెట్లోనే జరుగుతుంది. మిగతా 40% వేరే సెట్స్ మరియు వేరే లొకేషన్స్ లో జరుగుతుంది.
ఇంత బడ్జెట్ సెట్ వేయడంలో నిర్మాతల సపోర్ట్ ఎలా ఉంది?
నిర్మాతలు నిరంజన్ రెడ్డి – రామ్ చరణ్ గార్లకి నా బిగ్గెస్ట్ థాంక్స్ చెప్పాలి. ఎందుకంటే ఇప్పుడు అంతా డిజిటలైజ్ అయిపొయింది, ఎలాంటి సెట్ కావాలన్నా సిజి వర్క్ కి వెళ్లిపోతున్న టైంలో 20 ఎకరాల ప్లేస్ లో, సుమారు 25 కోట్ల వ్యయంతో ఇండియాలోనే బిగ్గెస్ట్ టెంపుల్ సెట్ ని వేసే అవకాశం నాకు కల్పించినందుకు వారికి బిగ్గెస్ట్ థాంక్స్. నిర్మాతల సపోర్ట్ లేకపోతే ఇంత పెద్ద సెట్ పూర్తయ్యేది కాదు. అలాగే కొరటాల శివ గారి విజన్ అండ్ అవకాశం వలనే ఇది సాధ్యమైంది.
‘ఆచార్య’లో మీ వర్క్ నచ్చి చిరు గారు మీకు ఇంకో సినిమా ఆఫర్ చేశారట?
అవునండి.. చిరు గారి నెక్స్ట్ ఫిల్మ్ లూసిఫర్ రీమేక్ కి కూడా నేనే ఆర్ట్ వర్క్ చేస్తున్నాను. చిరు గారు ఇచ్చిన అవకాశం నాకు ఓ గొప్ప అవార్డుతో సమానం.
చిరు అండ్ చరణ్ లతో వర్క్ ఎక్స్ పీరియన్స్ ఎలా ఉంది? వాళ్ళ కాంబినేషన్ ఎలా ఉండబోతోంది.
చిరు లానే చరణ్ గారు కూడా సెట్లో వర్క్ ని ఎంతో మెచ్చుకునేవారు. అలాగే చరణ్ గారు తండ్రికి తగ్గ తనయుడు. టెక్నిషియన్ కి వాళ్ళు ఇచ్చే పాజిటివ్ ఎనర్జీ మాములుగా ఉండదు. రామ్ చరణ్ – చిరు కాంబినేషన్ స్క్రీన్ మీద మైండ్ బ్లోయింగ్ అనేలా ఉంటది, ఫ్యాన్స్ అయితే పిచ్చెక్కిపోతారు. ప్రస్తుతానికి అంతకన్నా ఎక్కువ చెప్పలేను.
ఆచార్య సెట్ చూసాక మీకు తెలుగు సినిమా ఆఫర్స్ ఎక్కువ వస్తుండాలి. వేరే ఏదైనా సినిమాలు కమిట్ అయ్యారా? అండ్ మీ నెక్స్ట్ ప్రాజెక్ట్స్ ఏంటి?
ఆచార్య తర్వాత అవకాశాలు వస్తున్నాయి, కానీ నేను ముంబై బేస్డ్ ఆర్ట్ డైరెక్టర్, అలాగే హిందీ, తమిళ్ ఫిలిమ్స్ కూడా చేస్తున్నాను కాబట్టి నా డేట్స్ ని బట్టి, అన్ని లాంగ్వేజెస్ బాలన్స్ చేసేలా తెలుగులో ప్రాజెక్ట్స్ సైన్ చేస్తాను. ప్రస్తుతానికి తెలుగులో చిరు గారి లూసిఫర్ రీమేక్, హిందీలో అల వైకుంఠపురములో రీమేక్ కి వర్క్ చేస్తున్నాను.
388853 962916What is excellent respecting is dealing with instead of depending on. 835480
40409 904019I conceive this internet web site has got some quite superb info for everyone : D. 477493