మోహన్ లాల్ ‘దృశ్యం 2’ మూవీ రివ్యూ – థ్రిల్స్ తో అదరగొట్టిన సీక్వెల్.!

మళయాళంలో మోహన్ లాల్ హీరోగా వచ్చి బ్లాక్ బస్టర్ అయినా సినిమా దృశ్యం. ఆ తర్వాత ఆ సినిమా సౌత్ అన్ని లాంగ్వేజెస్ తో పాటు హిందీలో కూడా రీమేక్ అయ్యి అన్ని చోట్లా సూపర్ హిట్ గా నిలిచింది. అలాంటి సినిమాకి సీక్వెల్ గా చేసిన దృశ్యం 2 థియేటర్స్ ని స్కిప్ చేసి డైరెక్ట్ గా ఓటిటిలో రిలీజ్ చేశారు. మరి ఈ సీక్వెల్ దృశ్యం కన్నా మించి ఉందో లేదో ఇప్పుడు చూద్దాం.

కథ:

‘దృశ్యం’ కథ ఎక్కడ ముగిసిందో అక్కడే కథ మొదలవుతుంది.. వరుణ్ మర్డర్ కేసులో సరైన సాక్ష్యాలు లేకపోవడం వలన జార్జ్ కుట్టి(మోహన్ లాల్) ఫ్యామిలీ ఎలాంటి శిక్ష లేకుండా తప్పించుకుంటారు. అది జరిగిన 6 సంవత్సరాల తర్వాత దృశ్యం 2 మొదలవుతుంది. జార్జ్ కుట్టి తన ఫ్యామిలీతో హ్యాపీ గా ఉంటాడు. మరోవైపు పోలీసులు సీక్రెట్ గా వరుణ్ కేసుని డీల్ చేస్తూ, జార్జ్ కుట్టి ఫ్యామిలీని ఓ కంట కనిపెడుతూ ఉంటారు. ఫైనల్ గా పోలీసులు వరుణ్ బాడీ ఎక్కడ ఉందో కనుక్కొని జార్జ్ కుట్టిని అరెస్ట్ చేస్తారు. అలా అరెస్టైన జార్జ్ కుట్టి మీద కోర్టులో నేరం ఋజువైందా? లేదా? జార్జ్ కుట్టి అప్పటికే తన ఫ్యామిలీని కాపాడుకోవడం కోసం వేరే ప్లాన్ లో ఉన్నాడా? అనే ప్రశ్నలకి సమాధానమే దృశ్యం 2 కథ.

తెరమీద స్టార్స్..

మోహన్ లాల్ తనలోని నటున్ని తెరపై అద్భుతంగా ఆవిష్కరించిన సినిమా ‘దృశ్యం 2’. ఫ్యామిలీ మాన్ గా ఎమోషన్స్ చూపించడంలో, తన ఫ్యామిలీని కాపాడుకోవడం కోసం ఎత్తులు వేసే మాస్టర్ మైండ్ లా, అన్నీ వింటున్నా వినపడని అమాయకుడిలా.. ఇలా ప్రతి సీన్ లో తన నటనతో అదరగొట్టాడు. మీనా తన పాత్రలో బాగా అంటించడమే కాకుండా ఎమోషనల్ సీన్స్ లో మరోసారి మార్కులు కొట్టేసింది. ఐజి పాత్రలో చేసిన మురళి గోపీ ఇంటెన్స్ పెర్ఫార్మన్స్ కూడా ఆకట్టుకుంటుంది. ఇక సపోర్టింగ్ రోల్స్ చేసిన అన్సిబ హాసన్, ఎస్తర్ అనిల్, ఆశ శరత్ ఇలా ప్రతి ఒక్కరూ తమ పాత్రలకి పూర్తి న్యాయం చేసి సినిమాకి బిగ్గెస్ట్ హెల్ప్ అయ్యారు.

తెర వెనుక టాలెంట్..

తెరపై కనిపించిన దానికంటే ఇంకో 50% ఎక్స్ట్రా బ్రిలియన్స్ టెక్నికల్ టీంలో కనపడింది. ముందుగా బ్లాక్ బస్టర్ అయిన సినిమాకి సీక్వెల్ చేయడం అనేది బిగ్గెస్ట్ రిస్క్.. అందులోనూ థ్రిల్లర్ జానర్లో, ఫస్ట్ పార్ట్ కి మించిన థ్రిల్స్ ఇవ్వడం అనేది చాలా అంటే చాలా అరుదుగా జరుగుతుంటాయి. అలాంటి అరుదైన వండర్ ఈ దృశ్యం 2. ఈ విషయంలో క్రెడిట్ మొత్తం కెప్టెన్ ఆఫ్ ది షిప్ అయిన జీతు జోసెఫ్ కి వెళ్తుంది. సెకండాఫ్ లోమోహన్ లాల్ ఫామిలీ ఇంటరాగేషన్ దగ్గర నుంచీ సినిమాని తీసుకెళ్లిన తీరు, ఇచ్చిన థ్రిల్స్ చూసే ఆడియన్స్ రోమాలు నిక్కబొడుచుకునేలా ఉన్నాయి. కథ పరంగా చూసుకుంటే థ్రిల్స్ అదిరిపోయాయి కానీ డీటైలింగ్ మరీ ఎక్కువ అయినట్టు అనిపిస్తుంది. చివరి 40 నిమిషాల్లో రివీల్ చేసే మలుపుల కోసం దాదాపు గంటన్నర వరకూ అసలు కథలోకి వెళ్లరు. ముఖ్యంగా ఫస్ట్ హాఫ్ అయితే చాలా స్లో గా సాగుతుంది. చివరి 40 నిమిషాలు మంచి కిక్ ఇచ్చినా అప్పటి వరకూ సినిమాని చాలా ఓర్పుగా భరించాలి.. అది చాలా కష్టం. సినిమా అంతా అయ్యాక ఇంత మంచి థ్రిల్స్, ప్లే పెట్టుకొని ఎందుకు చివరి వరకూ లాగారు.. ముందు నుంచే ఇంకాస్త ఆసక్తిగా చెప్పి ఉండచ్చు కదా అనే ఫీలింగ్ వస్తుంది.

ఇక సతీష్ కురుప్ సినిమాటోగ్రఫీ చాలా బాగుంది. లొకేషన్స్, షాట్ మేకింగ్, విజువల్స్ కలరింగ్ ఇలా అన్నీ అదిరిపోయాయి. అనిల్ జాన్సన్ మ్యూజిక్ కూడా సినిమాలో ఆడియన్స్ డీవియేట్ అవ్వకుండా ఉండేలా చాలా బాగా చేసాడు. వైఎస్ వినాయక్ ఎడిటింగ్ బాగుంది కానీ ఫస్ట్ హాఫ్ ని ఇంకాస్త స్పీడ్ గా చెప్పి ఉంటే బాగుండేది. ఆంటోనీ పెరుంబవూర్ నిర్మాణ విలువలు చాలా బాగున్నాయి.

విజిల్ మోమెంట్స్:

– మోహన్ లాల్ మాస్టర్ పీస్ పెర్ఫార్మన్స్
– రేకెత్తించే చివరి 40 నిమిషాలు
– అదిరిపోయే థ్రిల్స్
– సూపర్బ్ విజువల్స్ అండ్ మ్యూజిక్
– పిచ్చెక్కించే క్లైమాక్స్

బోరింగ్ మోమెంట్స్:

– బాబోయ్ అనిపించే ఫస్ట్ హాఫ్
– స్లో నేరేషన్
– చాలా లేట్ గా కథలోకి రావడం

విశ్లేషణ:

బ్లాక్ బస్టర్ ‘దృశ్యం’ సినిమాకి మించిన థ్రిల్స్ తో, ఇంతకన్నా బెస్ట్ సీక్వెల్ తియ్యలేరేమో అనిపించే లాంటి సినిమా ‘దృశ్యం 2’. ఫస్ట్ హాఫ్ పరంగా సాగదీసి బోర్ కొట్టిస్తున్నాడు అనే ఫీలింగ్ కలిగించినా చివరి 40 నిమిషాల్లో వచ్చే థ్రిల్స్ అండ్ ఎమోషన్స్ ని ప్రేక్షకులు హాయ్ ఫీలవుతారు. థియేటర్స్ మిస్ చేయడం వలన బాక్స్ ఆఫీస్ కలెక్షన్స్ మిస్ అయ్యాయి అని చెప్పచ్చు.

చూడాలా? వద్దా?: తప్పకుండా చూడచ్చు.

తెలుగుబులెటిన్.కామ్ రేటింగ్ : 3/5