ఆ హీరోపై అసభ్య పదజాలం వాడమన్నాడు.. దర్శకుడిపై పూనమ్ ఫైర్

వివాదాస్పద అంశాలతో సంచలనం రేపే దర్శకుడు ఓవైపు.. చెప్పకనే కొన్ని విషయాలను చెప్పి సంచలనం రేపే నటి మరో వైపు. వారిద్దరే రామ్ గోపాల్ వర్మ-పూనమ్ కౌర్. లాక్ డౌన్ లో సినిమాలు తీసేస్తున్న ఆర్జీవీ మరో సినిమాకు శ్రీకారం చుట్టాడు. ‘పవర్ స్టార్’ పేరుతో సినిమా తీస్తున్నట్టు ఈరోజు ట్విట్టర్ లో ప్రకటించి ప్రకంపనలు రేపాడు. హీరో పాత్ర ఇదేనంటూ పవన్ ను పోలిన వ్యక్తిని వీడియోలో చూపించి సినిమా గురించి చెప్పకనే చెప్పేశాడు.

అయితే.. ఆర్జీవీ ప్రకటనకు మరో సంచలన నటి పూనమ్ కౌర్ ఫైర్ అయిపోయింది. ‘అమ్మాయిల బలహీనతలను ఆసరా చేసుకుని ఓ వ్యక్తిపై అసభ్య పదజాలం ఉపయోగించమని ప్రేరేపించడం.. తన ట్వీట్స్ ను షేర్ చేయమనడం, మీడియాకు చెప్పమనే ఆర్జీవీ క్యారెక్టర్ ను కూడా ఈ సినిమాలో పెట్టండి. నా చిన్నప్పుడు మిమ్మల్ని ఎంత అభిమానించానో ఇప్పుడు అంత అసహ్యించుకుంటున్నాను’ అంటూ ఆర్జీవీపై కోపంతో ట్వీట్ చేసింది.

అంతేకాకుండా.. ‘ఓ వ్యక్తికి వ్యతిరేకంగా మాట్లాడమంటూ నాకు గంటపాటు బ్రెయిన్ వాష్ చేసాడు. నేను ఆ కాల్ ను రికార్డ్ చేసుంటే బాగుండేది. ఆయన ట్వీట్స్ ను అప్పట్లోనే పంపాల్సిన వాళ్లకి పంపేశాను. అదృష్టం కొద్దీ మీడియాలో కొందరు మంచివాళ్లు ఉండబట్టి నేను ఈ కుట్రలకు బలైపోకుండా బయటపడ్డాను’ అంటూ తన అభిప్రాయాల్ని కుండబద్దలు కొట్టింది. ఎప్పుడూ తన ట్వీట్స్ తో సంచలనం రేపే పూనమ్ ఈసారి వర్మను డైరక్ట్ అటాక్ చేయడం చర్చనీయాంశమైంది.

Plz include a character named #rgv who calls girls finding out their emotional weakness n instigates them to use abusive language and sends tweets to them to share as if they are doing it n then informs media about it …I respected U when I was a child …feel sad about u now https://t.co/XfiE7JOeLF

— पूनम कौर ❤️ poonam kaur (@poonamkaurlal) June 28, 2020